2023 جىلدىڭ 1-توقسانىندا ەلىمىزدىڭ مەملەكەتتىڭ بورىشتىق مىندەتتەمەلەرى 4,3%-عا ءوستى، دەپ حابارلايدى Ulysmedia.kz.

بۇل تۋرالى ەكونوميكالىق زەرتتەۋلەر ينستيتۋتىنىڭ ەسەبىنەن بەلگىلى بولدى.

ەسەپكە سۇيەنسەك، قازاقستاننىڭ مەملەكەتتىك قارىزىنىڭ جالپى سوماسى 26,4 ترلن تەڭگەگە جەتكەن (58,9 ملرد دوللار).

2022 جىلدىڭ اياعىمەن سالىستىرعاندا مەملەكەتتىك قارىز 1,1 ترلن تەڭگەگە نەمەسە 4,3%-عا ءوستى. وتكەن جىلدىڭ ءبىرىنشى توقسانىمەن سالىستىرعاندا ءوسىم 21,8% قۇرادى.

2023 جىلدىڭ 1 توقسانىنىڭ قورىتىندىسى بويىنشا مەملەكەتتىك بورىشتىڭ قۇرىلىمى كەلەسىدەي:

ۇكىمەتتىڭ بورىشى – 22,7 ترلن تەڭگەنى نەمەسە مەملەكەتتىك بورىشتىڭ 86%-ى.

ۇلتتىق بانكتىڭ بورىشى – 2,6 ترلن تەڭگە نەمەسە مەملەكەتتىك بورىشتىڭ 10%-ى.

ۇكىمەتتىڭ قارىزىنا قىزمەت كورسەتۋ شىعىندارى دا ءوستى. 2023 جىلدىڭ 1 توقسانىنىڭ قورىتىندىسى بويىنشا بۇل شىعىندار 559,6 ملرد تەڭگەنى قۇرادى، بۇل وتكەن جىلدىڭ سايكەس توقسانىمەن سالىستىرعاندا 154,3 ملرد تەڭگەگە نەمەسە 38,1%-عا ارتىق.

Abai.kz