ناقتى الەۋمەتتىك-ەكونوميكالىق ناتيجەگە قول جەتكىزۋ ءۇشىن بيۋدجەتتىك پارامەترلەردىڭ قاتاڭ ساقتالۋىن جانە قاراجاتتىڭ ءتيىمدى ءبولىنۋىن قامتاماسىز ەتۋ قاجەت. ۇكىمەت وتىرىسىندا پرەمەر-مينيستر ءاليحان سمايىلوۆ وسىلاي ءمالىم ەتتى.

«باعانىڭ ءوسۋىن تەجەۋگە كۇش سالۋ قاجەت. ءبىزدىڭ ماقساتىمىز – بيىل ينفلياتسيانى 2 ەسەگە تومەندەتۋ. ول ءۇشىن ۇيلەسىمدى جانە ناقتى شۇعىل شارالار قاجەت. بيىلعى جىلدىڭ ءساۋىر ايىندا ينفلياتسيا 16,8%-عا دەيىن باياۋلادى. ءوڭىر اكىمدەرى الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋ بويىنشا ساپالى جۇمىستى جالعاستىرۋى كەرەك. ينفلياتسيا دەڭگەيىن باقىلاۋ جانە تومەندەتۋ جونىندەگى وزەكتەندىرىلگەن شارالار جوسپارىن ورىنداۋ ءۇشىن بارلىق ءتيىستى شارالاردى قابىلداۋ قاجەت»، - دەپ جاۋاپتى ۆەدومستۆولارعا تاپسىرما بەرلى ءاليحان سمايىلوۆ.

سونداي-اق، پرەمەر-مينيستر قارجىلىق باقىلاۋدى كۇشەيتۋ جانە مەملەكەتتىك بيۋدجەت شىعىستارىنىڭ تيىمدىلىگىن ارتتىرۋ ماسەلەسىنە توقتالدى.

«قارجىلاندىرۋعا بارىنشا جاۋاپكەرشىلىكپەن قاراۋ كەرەك. ناقتى الەۋمەتتىك-ەكونوميكالىق ناتيجەگە قول جەتكىزۋ ءۇشىن بيۋدجەتتىك پارامەترلەردىڭ قاتاڭ ساقتالۋىن جانە قاراجاتتىڭ ءتيىمدى ءبولىنۋىن قامتاماسىز ەتۋ قاجەت. تاعى دا اتاپ وتكىم كەلەدى – ءبىز ەكونوميكانىڭ ءوسۋ قارقىنىن جوعارى دەڭگەيدە ساقتاپ قالۋ ءۇشىن بار كۇش-جىگەرىمىزدى جۇمىلدىرۋىمىز كەرەك. مينيسترلەر مەن اكىمدەر الەۋمەتتىك-ەكونوميكالىق دامۋدىڭ بارلىق جوسپارلانعان كورسەتكىشتەرىن قاتاڭ باقىلاۋعا الىپ، ورىندالۋىن قامتاماسىز ەتۋى ءتيىس»، - دەپ تۇيىندەدى ۇكىمەت باسشىسى.

قوسا كەتسەك، ءساۋىر ايىندا قازاقستانداعى ينفلياتسيا 16,8%-عا دەيىن باياۋلادى.

Abai.kz