كەشە اقتوبەدە اۋداندىق ءماسليحاتتىڭ دەپۋتاتى قاماۋعا الىندى. ول جوق مالعا زاڭسىز سۋبسيديا العان.

قارجىلىق مونيتورينگ اگەنتتىگى اقتوبە وبلىستىق دەپارتامەنتى ءىرى كولەمدە جاسالعان الاياقتىق دەرەگى بويىنشا اۋداندىق ءماسليحات دەپۋتاتىنا قاتىستى سوتقا دەيىنگى تەرگەۋ امالدارىن جۇرگىزىپ جاتىر.

«شارۋا قوجالىعى اتىنان شىن مانىندە جوق بولعان مالعا سۋبسيديا الۋعا ءوتىنىش بەرگەن. سونداي-اق بۇل ازامات «سىباعا» مەملەكەتتىك باعدارلاماسى بويىنشا «اگرارلىق نەسيە كورپوراتسياسى» اق 600 باس ءىرى قارا مال ساتىپ الۋعا بەرگەن نەسيە قاراجاتىن زاڭسىز العان.
جالپى شىعىن كولەمى – 457 ميلليون تەڭگە. قازىر بۇل ازامات ۇستالىپ، وعان قاتىستى «قاماۋ» تۇرىندەگى بۇلتارتپاۋ شاراسى تاعايىندالدى»، – دەلىنگەن حابارلامادا.

Abai.kz