سارسەنبى, 24 شىلدە 2024
1788 0 پىكىر 23 مامىر, 2023 ساعات 11:57

قازاقستان رەسەيگە درون جەتكىزىپ وتىر ما؟

قازاقستان ساۋدا مينيسترلىگىنىڭ وكىلى 22 مامىرداعى بريفينگتە قازاقستاندىق كومپانيالار حالىقارالىق سانكتسيانى بۇزىپ، رەسەيگە درون مەن ەلەكتروندى بولشەكتەر جەتكىزگەن دەگەن اقپاراتتى "قىزىق مالىمەت" دەپ اتادى.

ء"بىز كاسىپورىنداردىڭ بارىنە نە ەكسپورتتاپ، ءونىمدى قايدان العانىنا قاتىستى ساراپتاما جۇرگىزەمىز. ءسىز قىزىق مالىمەت كەلتىردىڭىز، بىراق ونى قارجى مينيسترلىگىنە جولداۋ كەرەك، ويتكەنى ءونىم ەكسپورتتاۋ نەمەسە يمپورتتاۋمەن اينالىساتىن كاسىپورىنداردى وسى مەملەكەتتىك ورگان تىركەيدى. بىزدە مالىمەت جوق", دەپ مالىمدەدى ساۋدا جانە ينتەگراتسيا ۆيتسە-ءمينيسترى قايرات تورەباەۆ.

حالىقارالىق زەرتتەۋشىلەر توبى جاريالاعان زەرتتەۋدە قازاقستان ارقىلى رەسەيگە سانكتسياعا ىلىنگەن تاۋار تاسىمالداپ جۇرگەن "اسپان اربا" كومپانياسى اتالعان. 2022 جىلى ساۋىردە الماتىدا تىركەلگەن كومپانيا ءوزىن درون شىعارۋمەن اينالىساتىن DJI كومپانياسىنىڭ قازاقستانداعى رەسمي وكىلى دەپ تانىستىرادى. ديرەكتورى – ميحايل ساپوجنيكوۆ.

ساۋدا مينيسترلىگىنىڭ وكىلى اتالعان كومپانياعا قاتىستى "مالىمەت بىلمەيتىنىن" ايتتى. "مەن سىزگە ونى قارجى مينيسترلىگى، ينفراقۇرىلىمدى دامىتۋ مينيسترلىگىمەن بىرگە تەكسەرۋگە كەڭەس بەرەمىن", دەيدى سپيكەر ازاتتىق تىلشىسىنە.

الايدا قارجى مينيسترلىگىنىڭ ءباسپاسوز قىزمەتى بۇل ماسەلەگە ساۋدا مينيسترلىگى جاۋاپ بەرەدى دەپ وتىر.

زەرتتەۋشىلەردىڭ دەرەگىنشە، بىلتىر اتالعان فيرما DJI كومپانياسىنىڭ 500-گە جۋىق درونىن رەسەيگە ساتقان. قىتايلىق DJI كومپانياسى رەسەي ۋكرايناعا باسىپ كىرگەننەن كەيىن بىلتىر كوكتەمدە ماسكەۋگە تاۋار ساتۋدى توقتاتقان.

زەرتتەۋشىلەر انىقتاعان دەرەكتەرگە قاراعاندا، "اسپان اربا" كومپانياسى قازاقستانعا جالپى قۇنى 45 ميلليون دوللار بولاتىن 18 مىڭ درون جەتكىزۋگە ليتسەنزيا العان. فيرما درونداردى DJI-دىڭ نيدەرلاندتا ورنالاسقان ەنشىلەس كومپانياسى DJI Europe-تان ساتىپ الادى.

كومپانيا ەۋروپادان ساتىپ الىپ، قازاقستاندا تىركەتكەن قىتايلىق درونداردىڭ ءبىر بولىگىن رەسەيدەگى "نەبەسنايا مەحانيكا" كومپانياسىنا ساتىپ ۇلگەرگەن. "اسپان اربا" كومپانياسىنىڭ يەگەرى ساپوجنيكوۆ بۇرىن يليا گولبەرگپەن بىرگە "نەبەسنايا مەحانيكا" كومپانياسىن باسقارعان.

زەرتتەۋشىلەردىڭ دەرەگىنشە، رەسەي "نەبەسنايا مەحانيكا" دروندارىن كراۋدفاندينگ ناۋقانىنان جينالعان اقشاعا ۋكرايناداعى سوعىستا قولدانۋ ءۇشىن ساتىپ الادى.

"رەسەيلىك اسكەريلەر اراسىندا [DJI دروندارى] تانىمال بولعانى سونشالىق، ءبىر سەريانىڭ اتاۋى جالقى ەسىمگە اينالىپ كەتتى: قازىر درونداردىڭ ءبارىن “ماۆيك” دەپ اتايدى (Mavic DJI دروندارىنىڭ تانىمال مودەلى – ​رەد.)" دەلىنگەن زەرتتەۋدە.

Abai.kz

0 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1398
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 2195
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 2215