2022 جىلى سينگاپۋردان تىكەلەي شەتەلدىك ينۆەستيتسيالاردىڭ (تشي) جالپى اعىنى 400 ملن. اقش دوللارىن قۇرادى، بۇل 2005-2022 جىلدار كەزەڭىندەگى ەڭ جوعارى كورسەتكىش. ءوسىم 2021 جىلمەن سالىستىرعاندا 6 ەسە كوپ. سينگاپۋردىڭ تشي جالپى كولەمىندەگى ۇلەسى – 1,4%. بۇل تۋرالى قر ۇلتتىق ەكونوميكا مينيسترلىگى رەسمي سايتىندا جازدى.

ۆەدومستۆونىڭ مالىمەتىنشە، قر-داعى سينگاپۋر تىكەلەي شەتەلدىك ينۆەستيتسيالاردىڭ كولەمى تولقىندى سيپاتقا يە. مىسالى، 2016 جىلى تشي اعىنى 2015 جىلمەن سالىستىرعاندا 19 ەسەگە 180 ملن. اقش دوللارىنا دەيىن ءوستى جانە 2018 جىلى 21,6 ملن. اقش. دوللارىنا دەيىن تومەندەدى. وسىنداي جاعداي 2019-2021 جىلدارى بولعان ەدى – 2019 جىلى 169,5 ملن.اقش دوللارى جانە 2021 جىلى 67,2 ملن. اقش دوللارى بولدى.

ايتا كەتەيىك، سينگاپۋرلىق كومپانيالار وتاندىق ينۆەستورلارمەن بىرگە الماتى وبلىسىندا «G4 City» جوباسىن ىسكە اسىرۋعا قاتىسىپ جاتىر. سونداي-اق، «Kazakh Invest» ۇك اقپاراتى بويىنشا، سينگاپۋرلىق Endorama Corporation كومپانياسى قازاقستاندا فوسفورلى تىڭايتقىشتار ءوندىرىسىن اشۋدى جوسپارلاپ وتىر (ينۆەستيتسيا سوماسى 1 ملرد. اقش دوللارى).

Abai.kz