وسى جىلدىڭ 1 شىلدەسىنەن باستاپ اپەللياتسيادا ءىستى قاراۋدىڭ جاڭا ءتارتىبى ىسكە قوسىلادى. بۇل تۋرالى مەملەكەتتىك ايىپتاۋشىلار فورۋمىندا باس پروكۋرور بەرىك اسىلوۆ ايتتى. 

«ەڭ الدىمەن كادر تاپشىلىعى بار. رەسپۋبليكا بويىنشا نەگىزگى جۇكتەمە اۋداندىق بۋىنداعى پروكۋرورلارعا تۇسەدى. سوت پروتسەستەرىنىڭ 90 پايىزى ولاردىڭ قاتىسۋمەن وتەدى. كەيبىر وڭىردە 2-3 سۋدياعا ءبىر مەملەكەتتىك ايىپتاۋشىدان كەلەدى. بۇعان قوسكا، القابيلەر سوتى قارايتىن ىستەر ءتىزىلىمى كەڭەيىپ كەلەدى. 1 شىلدەدەن باستاپ اپەللياتسيادا ءىستى قاراۋدىڭ جاڭا ءتارتىبى ىسكە قوسىلادى. مەملەكەتتىك ايىپتاۋشىعا جۇكتەمە ارتا تۇسەتىن بولادى»، - دەدى بەرىك اسىلوۆ.

باس پروكۋروردىڭ پايىمىنشا، بۇل پروبلەمانى پروتسەسسۋالدىق پروكۋرورلار شتاتىن ارتتىرۋ شەشە الار ەدى.

«ءبىز بۇل ينستيتۋتتى قالىپتاستىردىق. ولار شۋلى ءارى رەزونانستى ىستەرگە قاتىسۋ ارقىلى وزدەرىنىڭ تيىمدىلىگىن كورسەتتى»، - دەدى ول.

Abai.kz