جەكسەنبى, 14 شىلدە 2024
1610 1 پىكىر 25 مامىر, 2023 ساعات 13:57

حالىقتىڭ شەتەل ۆاليۋتاسىنا سۇرانىسى تومەندەدى

قازاقستاندىقتار تاراپىنان شەتەل ۆاليۋتاسىنا سۇرانىس 2020 جىلدىڭ ساۋىرىنەن بەرگى ەڭ تومەنگى دەڭگەيگە تومەندەدى، دەپ حابارلايدى Ulysmedia.kz.

ءبىرىنشى كرەديتتىك بيۋرو مالىمەتىنشە، 2023 جىلعى ساۋىردە ءۇش نەگىزگى شەتەلدىك ۆاليۋتانىڭ (دوللار، ەۋرو جانە رۋبل) تازا ساتىلىمى 85,3 ميلليارد تەڭگەنى قۇرادى. 2022 جىلدىڭ ساۋىرىندە تازا ساتىلىم 226,1 ميلليارد تەڭگەنى، ال 2023 جىلدىڭ ناۋرىزىندا 147,7 ميلليارد تەڭگەنى قۇرادى. بۇل رەتتە 2022 جىلدىڭ ورتاشا دەڭگەيى — ايىنا 202 ميلليارد تەڭگە; 2021 جىلى — 259,8 ميلليارد تەڭگە.

2023 جىلدىڭ ءتورت ايىندا رەسپۋبليكا بويىنشا دوللارعا تازا سۇرانىس 458,7 ميلليارد تەڭگەنى قۇرادى. بۇل 2022 جىلدىڭ سايكەس كەزەڭىمەن سالىستىرعاندا 27,3%-عا از. ەگەر 2021 جىلمەن سالىستىراتىن بولساق، وندا ءوسىم بار – ول كەزدە ءتورت ايداعى تازا ساتىلىم 405,2 ميلليارد تەڭگەنى قۇراعان.

2021 جىلعى قاڭتار-ساۋىردە رەسەي ۆاليۋتاسىنا سۇرانىس 214 ميلليارد تەڭگەنى قۇرادى; 2022 جىلى — 227,1 ميلليارد تەڭگە. 2023 جىلعى ساۋىردە 9,1 ميلليارد تەڭگەگە ازايدى. ياعني، قازاقستان حالقى بىرتىندەپ رۋبلدەن ارىلىپ كەلەدى.

ەۋروعا سۇرانىس وسۋدە، بىراق باياۋ: 2023 جىلى تازا سۇرانىس 85,9 ميلليارد تەڭگەنى، ءبىر جىل بۇرىن — 82,4 ميلليارد تەڭگەنى، ال 2021 جىلى – 76,5 ميلليارد تەڭگەنى قۇرادى.

الماتىدا شەتەلدىك ۆاليۋتاعا سۇرانىستىڭ كۇرت تومەندەۋى بايقالادى. ساۋىردە رەسپۋبليكانىڭ ءىرى مەگاپوليسىندە دوللاردىڭ تازا ساتىلىمى 3,7 ميلليارد تەڭگەنى، ەۋرو ساتىلىمى – ءتورت ميلليارد تەڭگەنى (ناۋرىزدا 8,4 ميلليارد) قۇرادى. رەسەي ۆاليۋتاسىناق، الماتىلىقتاردىڭ ساتىپ العان ءرۋبلى ساتقانىنان 2,9 ميلليارد تەڭگەگە از.

الايدا، استانادا ءبىر ايدا دوللارعا دەگەن تازا سۇرانىس 2,8 ەسەگە – 9 ميللياردتان 24,9 ميلليارد تەڭگەگە دەيىن ءوستى. ەلورداداعى ەۋروعا دەگەن كوزقاراس جالپى رەسپۋبليكالىق ترەندتەن الشاقتاي قويعان جوق: ەۋروپالىق ۆاليۋتانىڭ نەتتو-ساتىلىمى ەكى ەسەگە جۋىق – 2,6 ميللياردتان 1,4 ميلليارد تەڭگەگە دەيىن تومەندەدى.

 

Abai.kz

1 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1193
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 1862
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 1908