اباي وبلىسىنداعى تابيعي ءورت 25 مامىر كۇنى كەشكە تولىق ءوشىرىلدى. 

توتەنشە جاعدايلار ءمينيسترى يۋري ءيليننىڭ وكىمىنە سايكەس جەرگىلىكتى ايماقتا تۇراقتى اەروۆيزۋالدى تەكسەرۋ جالعاسۋدا.

«ءورت ورنىن ءتۇرلى قۇرالداردى قولدانا وتىرىپ، قاراۋىلداۋ ۇيىمداستىرىلعان. ورمان ءورتىن سوندىرۋگە جەكە قۇرامنىڭ 800-دەن استام ادامى، 200-دەن استام تەحنيكا، 1 ءورت ءسوندىرۋ پويىزى جۇمىلدىرىلعان. سونداي-اق 10 تىكۇشاق - تجم-نەن - 5, قورعانىس مينيسترلىگىنەن - 3, ەكولوگيا مينيسترلىگىنەن -2 تىكۇشاق تارتىلدى. بارلىعى 357 892,5 توننا سۋ توگىلدى»، - دەپ جازدى مينيسترلىكتەن.

ءورتتى وقشاۋلاۋدىڭ جالپى اۋدانى شامامەن 3500 گا قۇرادى.

سەكۋندىنا 6-10 مەتر ەكپىندى جەلدىڭ سالدارىنان، ءورتتى ءسوندىرۋ جۇمىستارى قيىندادى. سونداي-اق تىعىز وسەتىن داقىلدار مەن تۇزدى جەرلەر دە ءورتتىڭ ورشۋىنە اسەر ەتۋدە.

قازىرگى ۋاقىتتا جاعداي باقىلاۋدا، تەحنيكا مەن جەكە قۇرام جانۋدى جويۋ ءۇشىن جەدەل دەن قويۋدى جالعاستىرۋعا دايىن.

Abai.kz