سىبايلاس جەمقورلىق قىلمىستارىن ۇيىمداستىردى جانە ۇيىمداسقان قىلمىستىق توپتاردى قۇردى دەگەن ايىپ تاعىلعان سوڭ بويتاسالاپ شەتەلگە كەتكەن بەرگەي رىسقاليەۆ 2006 -2012 جىلدار ارالىعىندا اتىراۋ وبلىسىنىڭ اكىمى بولعان ەدى. كاسىپكەرلىك قىزمەتىنىڭ جۇرتقا جاريا  رەسمي بەتىن "اياجان" كومپانياسىنىڭ (اقتوبە) قۇرىلتايشىلارىنىڭ ءبىرى بولىپ باستاعان ول  2002 - 2004 ج.ج. - اتىراۋ وبلىستىق ءماسليحاتىنىڭ حاتشىلىعىنا بەكىدى. 2005 جىلدىڭ اقپانىنان 2006 جىلدىڭ اقپانىنا دەيىن اتىراۋ وبلىسى اكىمىنىڭ (اسلان ءمۋسيننىڭ) ورىنباسارى بولدى. «بەرگەي ساۋلەبايۇلى وبلىسىمىزدى باسقارعان التى جىلدىڭ ىشىندە ويداي ىستەر ورايىن تاپتى. قالامىز جاسىل جەلەك جامىلدى. جايىقتىڭ ۇستىنەن بىرنەشە كوپىر سالىندى. اۋىل اۋىز سۋمەن، كوگىلدىر وتىنمەن قامتاماسىز ەتىلدى. ول ناعىز ءىستىڭ ادام ەدى» دەيدى اتىراۋلىقتار. اتىراۋ جۇرتىنىڭ اۋزىنداعى سول ءسوزدى «اق جايىق» گازەتىنىڭ بەتىندە جازۋشى-دراماتۋرگ، قازاقستان رەسپۋبليكاسىنىڭ ەڭبەك سىڭىرگەن قايراتكەرى راحىمجان وتارباەۆ ايتىپ وتىر ەكەن. ءبىز كوشىرىپ باسقاندى ءجون كوردىك.

Abai.kz

قازىر وڭىرگە سىن بولعان، بۇكىل بۇقارالىق اقپارات قۇرالدارى جارىسا جازىپ، شۋلاپ جاتقان  اتىراۋ وبلىسىنا قاتىستى ءبىر عانا ماسەلە بار. ول - وبلىستىڭ بۇرىنعى باسشىسى بەرگەي رىسقاليەۆ تۋرالى.

سىبايلاس جەمقورلىق قىلمىستارىن ۇيىمداستىردى جانە ۇيىمداسقان قىلمىستىق توپتاردى قۇردى دەگەن ايىپ تاعىلعان سوڭ بويتاسالاپ شەتەلگە كەتكەن بەرگەي رىسقاليەۆ 2006 -2012 جىلدار ارالىعىندا اتىراۋ وبلىسىنىڭ اكىمى بولعان ەدى. كاسىپكەرلىك قىزمەتىنىڭ جۇرتقا جاريا  رەسمي بەتىن "اياجان" كومپانياسىنىڭ (اقتوبە) قۇرىلتايشىلارىنىڭ ءبىرى بولىپ باستاعان ول  2002 - 2004 ج.ج. - اتىراۋ وبلىستىق ءماسليحاتىنىڭ حاتشىلىعىنا بەكىدى. 2005 جىلدىڭ اقپانىنان 2006 جىلدىڭ اقپانىنا دەيىن اتىراۋ وبلىسى اكىمىنىڭ (اسلان ءمۋسيننىڭ) ورىنباسارى بولدى. «بەرگەي ساۋلەبايۇلى وبلىسىمىزدى باسقارعان التى جىلدىڭ ىشىندە ويداي ىستەر ورايىن تاپتى. قالامىز جاسىل جەلەك جامىلدى. جايىقتىڭ ۇستىنەن بىرنەشە كوپىر سالىندى. اۋىل اۋىز سۋمەن، كوگىلدىر وتىنمەن قامتاماسىز ەتىلدى. ول ناعىز ءىستىڭ ادام ەدى» دەيدى اتىراۋلىقتار. اتىراۋ جۇرتىنىڭ اۋزىنداعى سول ءسوزدى «اق جايىق» گازەتىنىڭ بەتىندە جازۋشى-دراماتۋرگ، قازاقستان رەسپۋبليكاسىنىڭ ەڭبەك سىڭىرگەن قايراتكەرى راحىمجان وتارباەۆ ايتىپ وتىر ەكەن. ءبىز كوشىرىپ باسقاندى ءجون كوردىك.

Abai.kz

قازىر وڭىرگە سىن بولعان، بۇكىل بۇقارالىق اقپارات قۇرالدارى جارىسا جازىپ، شۋلاپ جاتقان  اتىراۋ وبلىسىنا قاتىستى ءبىر عانا ماسەلە بار. ول - وبلىستىڭ بۇرىنعى باسشىسى بەرگەي رىسقاليەۆ تۋرالى.

بۇگىندە وسى وڭىردەگى ۇلان-عايىر ىستەردىڭ، جاڭالىق پەن وزگەرىستەردىڭ كۋاسى ءبىزبىز، اعايىن. سوندىقتان، جاعدايدى كورىپ-ءبىلىپ وتىرعان جەرگىلىكتى تۇرعىن رەتىندە ءوز پىكىرىمدى ايتۋعا تولىق قۇقىم بار.

باسا ايتار جايت - بۇگىنگى كۇنى بۇل ازاماتقا قاتىستى ايتىلىپ جاتىرعاندار ۇلكەن ادىلەتسىزدىك دەپ ويلايمىن.

وزدەرىڭىزگە بەلگىلى، قاتەلىك جۇمىس جاساماي، قول قۋسىرىپ وتىرعان ادامدا عانا بولمايدى. ەگەر وسىلاي جۇمىس جاساعان مامانداردى قۋدالاي بەرسە، قازاقستاندا كادر قالا ما!

كەزىندە يگىلىككە جاراعان وسى ىستەرگە ءسۇيىنىپ، كەتكەننەن سوڭ ارتىنان جامانداپ، جالا جابۋ ارقىلى پىشاق ۇرۋدى قالاي تۇسىنۋگە بولادى؟! بۇل كىمگە كەرەك؟

«سەن تيمەسەڭ، مەن تيمەن» دەپ، وسىلاي ەشتەڭە بولماعانداي، كورمەگەندەي وتىرمىز. نەگە وسىنداي جاعدايعا دۋشار بولدىق؟ قازىر 37-ءشى جىل ەمەس قوي، ەلىم دەگەن ەردىڭ اردا باسى الامانعا سالىنىپ، ساياسي ويىننىڭ قۇربانى بولىپ جاتقاندا قالايشا جانىمىز اشىماسىن؟!

بۇل وقيعانىڭ باستالعانىنا 9 ايدىڭ ءجۇزى بولدى، ال ءبىز ءبىر اۋىز جىلى ءسوز ايتۋعا جالتاقتايمىز؟! ءبىر انىعى، وبلىستىڭ قاي تۇكپىرىنە بارسام دا جاي قاراپايىم حالىق اراسىنان  بەرگەي ساۋلەبايۇلى تۋرالى جامان ايتقان بىردە-ءبىر ادامدى كەزدەستىرگەن ەمەسپىن. اتىراۋىمىزعا قالانىڭ كەلبەتىنە الىپ كەلگەن دە وسى ازامات دەپ ايتۋعا تولىق نەگىز بار.

سوڭعى جىلدارى اتىراۋعا كەلگەن كەزەكتى جۇمىس ساپارىندا تۇرعىندارمەن جۇزدەسكەن ەل پرەزيدەنتىنىڭ ءوزى «ەستەرىڭىزدە بار ما، بۇدان ءتورت-بەس جىل بۇرىن وسى قالا بەلشەدەن بالشىق، ماسادان كوز اشا المايتىن ەدى عوي. ال قازىر شە؟ قىسقا مەرزىمدە وسىنشاما وركەنيەتكە قول جەتكىزىلدى ەمەس پە؟ مۇنايلى مەكەننىڭ ودان ءارى دامۋىنا سەنىم مول. وسىنداي جۇمىستى اتقارعان مىنا اكىم، ونىڭ كومانداسى...» دەي وتىرىپ، ايماقتىڭ الەۋمەتتىك-ەكونوميكالىق دامۋىنا قاتىستى مەملەكەت باسشىسى نازارباەۆ اكىم رىسقاليەۆ باسقارعان جەرگىلىكتى اتقارۋشى ورىنداردىڭ جۇمىسىنا جوعارى باعا بەرگەنىن ءبارى ەستىدى. وسىدان ارتىق ءادىل باعا بولماس. وكىنىشكە وراي، ماقتاعان سول كوماندا ازاماتتارىنىڭ كوبى بۇگىندە قانداي جاعدايدا كۇي كەشىپ وتىرعانىن كورىپ ءجۇرمىز.

وسى اتالعان كەزەڭدە نەبىر كەرەمەت نىساندار، ينفراقۇرىلىمدار، الىپ جوبالار كەزەك-كەزەگىمەن، بىرىنەن سوڭ ءبىرى ايتقان ۋاقىتىندا ىسكە قوسىلىپ جاتتى. حالىققا كەرەگى اۋىز سۋ، كوگىلدىر وتىن، جارىق پەن جول بولسا، وسىنىڭ ءبارى تەك قالا ەمەس، اۋدان ورتالىعى ەمەس، بۇكىل اۋىلدار مەن ەلدى مەكەندەرگە تارتىلدى. وتىز مىڭنان استام حالىق تۇراتىن، وبلىس ورتالىعىنان 300 شاقىرىمدا ورنالاسقان، قازىرگى وركەنيەتتەن كەنجە قالعان قىزىلقوعا اۋدانىنا تابيعي گاز جۇرگىزىلۋى، ءومىر بويى جولدىڭ ازابىن تارتقان وسى اۋدانعا تاقتايداي تەگىس اسفالت كولىك جول قۇرىلىسى جۇرگىزىلىپ، جۇمىسىنىڭ باستاۋ الۋى تەڭدەسى جوق ەرلىك!

بەرگەي رىسقاليەۆتىڭ تۇسىندا ەلگە جاسالعان زور قامقورلىقتىڭ بىرەگەيى - بۇگىنگى وركەنيەتتەن قالىس قالىپ، ۇمىت بولعان قوشقار، كومسومول، بەكبيكە تۇرعىندارى جايلى پاتەرلەرگە  جايعاستى. ودان كەيىن كۇنى كەشەگى بايشوناس، ەسكەنە حالقىن قونىس اۋدارۋ ءۇشىن مۇناي كومپانيالارىن تاباندىلىعىمەن كوندىرىپ، ءبارىنىڭ قارجىسىن تاۋىپ، ۇيىمداستىرىپ كەتكەن جوق پا!

بۇكىل رەسپۋبليكالىق بۇقارالىق اقپارات قۇرالدارىندا جاريالانىپ جاتىرعان نەگاتيۆتى، تەك قارالاۋ ماقساتىندا جازىلعان ماقالالاردىڭ، جالپى جۇرتقا جالعان اقپاردى باتىل تاراتىپ وتىرعانىنا قايران قالاسىڭ. ءتىپتى وزگە وڭىرلەردەگى وقيعالارعا، ەلىن ساتقان توپتارعا قاتىستى قىلمىسى بار دەپ قارا كۇيە جاعىپ، حالىققا جاعىمسىز پىكىر قالىپتاستىرىپ باعۋدا.

وبلىستا جاسالعان ءار ىسكە باعا بەرەتىن تەك قانا جەرگىلىكتى حالىق. ول جىگىتتىڭ پرەزيدەنتتىڭ ساياساتىن ورىنداۋدان باسقا بوتەن نيەتى بولدى دەپ ويلامايمىن.

قازىر ايتىلىپ جاتىرعانداي، ەگەر قارجىنىڭ ءبارى ۇرلانعان بولسا، وندا بۇكىل الەۋمەتتىك وبەكتىلەر مەن ينفراقۇرىلىمدار قالاي سالىنىپ، قازىر قالاي جۇمىس جاساپ تۇر؟! ولاردى ەشكىم ەشقايدا الىپ كەتكەن جوق، قالامىز بەن دالامىزدا قالدى ەمەس پە! نە ايتسا دا، اقيقات سول - وسى ءاربىر نىسان تۇرعىندارعا قىزمەت ەتىپ باستادى.

مۇمكىن، اتىراۋ حالقىنىڭ تاعدىرى وسىلاي بولعان شىعار، ۇنەمى جاقسى بولمايتىنى ءومىر زاڭى عوي. دەگەنمەن، وكىنىشتىسى، عاسىردا ءبىر كوركەيىپ، ەڭسەسى مەن مەرەيى ءوسىپ، ەندى عانا باس كوتەرىپ، ەل الدىندا توپ جارىپ كەلە جاتقان ءوڭىردىڭ قارقىندى اياق الىسى بىرەۋلەرگە ۇناماسا كەرەك...

قازىر بىرەۋلەر ءتىپتى، ونى تىرىلەردىڭ قاتارىندا جوق دەپ تە جار سالۋدا. وسىندايدى ەستىگەندە جانىڭ تۇرشىگەدى. ارىستاي ازاماتتىڭ وبالى كىمگە؟

ءوزىمىز از عانا حالىقپىز. ەلدىڭ ماڭدايىنا بىتكەن ءبىرۋتار تۇلعالار وسىلاي جوعالا بەرسە، نە بولامىز؟ جاسامپاز ومىرگە قول جەتكىزگەن ەلدىڭ پەرزەنتىنىڭ امان بولىپ، ءتىرى جۇرگەندىگىن قالايمىز. ونىڭ تاعدىرىنا الاڭدايمىز.

شىندىقتىڭ بۇزبايتىن قامالى جوق. ەل امان، جۇرت تىنىش، بەيبىت زاماندا اردى اياققا باسپاس بولار. كىمنىڭ كىم ەكەنىن ۋاقىت كورسەتەر...

«اق جايىق» گازەتى