جاقىندا استاناعا تاعى دا رەسەيدىڭ حالىق ءارتىسى، پيانيست دەنيس ماتسۋەۆ كەلىپ كەتتى. «Astana  Piano  Passion»  دەپ اتالاتىن فەستيۆال-بايقاۋ ۇيىمداستىردى.  وسى فەستيۆال اياسىندا ءوزىنىڭ جەكە كونتسەرتىن بەردى.

ەگەر مەن قاتەلەسپەسەم، وتكەن جىلى دا استانا كۇنى مەرەكەسىندە كەلگەن سول ماتسۋەۆ.  2010, 2011 جىلدارى دا كەلىپ كەتكەن. جىل سايىن كەلەتىن بولدى. فورتەپيانو دەسە، ىشكەن اسىن جەرگە قوياتىن كورەرمەننىڭ ءوزى جالىقتى. «الەمدە باسقا پيانيست جوق پا؟» - دەپ ءبىر-بىرىنە سۇراق قويا باستادى.

«Astana  Piano  Passion»  فەستيۆالىنىڭ «قازاقستان» ورتالىق كونتسەرت زالىندا وتكەن جابىلۋ سالتاناتىنا ءبىز دە بارىپ قاتىستىق. تەلەديدارعا تۇسىردىك. زالدا وتىرعان كورەرمەندەردىڭ بىرەۋى ءبىزدىڭ جۋرناليست ەكەنىمىزدى ءبىلىپ، ءوزىنىڭ رەنىشىن ايتتى. سويتسەك، ولاردى (شاماسى مۇعالىمدەر بولۋى كەرەك) ءبىر اۆتوبۋسقا تيەپ الىپ، 17:00-دە باستالاتىن كونتسەرتكە ساعات 14:00-دە اكەلىپتى. ەشقايدا قاشىپ كەتپەسىن دەپ، اۆتوبۋستىڭ ەسىگىن قۇلىپتاپ قويىپتى. كەيىننەن بىلدىك، زالدا وتىرعان كورەرمەندەردىڭ 90 پايىزى باستىقتارىنىڭ  نۇسقاۋىمەن كونتسەرتكە امالدىڭ جوعىنان كەلىپتى. كونتسەرت باستالعاننان كەيىن ەبىن تاۋىپ، ەسىكتەن شىعىپ كەتكەن حالىقتا ەسەپ بولعان جوق.

جاقىندا استاناعا تاعى دا رەسەيدىڭ حالىق ءارتىسى، پيانيست دەنيس ماتسۋەۆ كەلىپ كەتتى. «Astana  Piano  Passion»  دەپ اتالاتىن فەستيۆال-بايقاۋ ۇيىمداستىردى.  وسى فەستيۆال اياسىندا ءوزىنىڭ جەكە كونتسەرتىن بەردى.

ەگەر مەن قاتەلەسپەسەم، وتكەن جىلى دا استانا كۇنى مەرەكەسىندە كەلگەن سول ماتسۋەۆ.  2010, 2011 جىلدارى دا كەلىپ كەتكەن. جىل سايىن كەلەتىن بولدى. فورتەپيانو دەسە، ىشكەن اسىن جەرگە قوياتىن كورەرمەننىڭ ءوزى جالىقتى. «الەمدە باسقا پيانيست جوق پا؟» - دەپ ءبىر-بىرىنە سۇراق قويا باستادى.

«Astana  Piano  Passion»  فەستيۆالىنىڭ «قازاقستان» ورتالىق كونتسەرت زالىندا وتكەن جابىلۋ سالتاناتىنا ءبىز دە بارىپ قاتىستىق. تەلەديدارعا تۇسىردىك. زالدا وتىرعان كورەرمەندەردىڭ بىرەۋى ءبىزدىڭ جۋرناليست ەكەنىمىزدى ءبىلىپ، ءوزىنىڭ رەنىشىن ايتتى. سويتسەك، ولاردى (شاماسى مۇعالىمدەر بولۋى كەرەك) ءبىر اۆتوبۋسقا تيەپ الىپ، 17:00-دە باستالاتىن كونتسەرتكە ساعات 14:00-دە اكەلىپتى. ەشقايدا قاشىپ كەتپەسىن دەپ، اۆتوبۋستىڭ ەسىگىن قۇلىپتاپ قويىپتى. كەيىننەن بىلدىك، زالدا وتىرعان كورەرمەندەردىڭ 90 پايىزى باستىقتارىنىڭ  نۇسقاۋىمەن كونتسەرتكە امالدىڭ جوعىنان كەلىپتى. كونتسەرت باستالعاننان كەيىن ەبىن تاۋىپ، ەسىكتەن شىعىپ كەتكەن حالىقتا ەسەپ بولعان جوق.

حوش دەلىك. ماتسۋەۆتىڭ جىرى ءالى اياقتالماي جاتىپ، استانا كۇنىن تويلاۋ كۇنتىزبەسىن الدىق. رەسەيلىك كرۋتوي راسىندا دا «كرۋتوي» ەكەن. تۇكىرىگى جەرگە تۇسپەي تۇرعان  «يگور كرۋتويدىڭ كومانداسى» بيىلعى مەرەكەدە دە ءبىر اپتا بويى كەرنەيلەتىپ، سىرنايلاتپاق. كرۋتويدىڭ جەكە شىعارماشىلىق كەشى وتپەك. ورىستىڭ ءانىن اۋەلەتىپ جۇرگەن ۆالەريا، الەكساندر سەروۆ، لايما ۆايكۋلە، نيكولاي باسكوۆ، يگور كرۋتوي، فيليپپ كيركوروۆ، ۆالەري لەونتەۆ، يرينا اللەگروۆالار  قازاق  ساحناسىندا تاعى دا ءان شىرقايدى. فرانتسيادان پاتريسيا كااس، تۇركيادان تاركان كەلمەك.

ەگەر ماسكەۋ قالاسىنىڭ مەرەيتويى بولسا، كرەمل نەمەسە «وليمپيسكي» سارايلارىندا ءبىزدىڭ ماقپال ءجۇنىسوۆا، التىنبەك قورازباەۆ، روزا رىمباەۆالار ءان ايتار ما ەكەن؟ قايدام ... رەسەي ونداي قوناقجايلىلىققا بارا قويماس-اۋ ...

سوندا بۇل كونتسەرتتەردىڭ قازاققا قانداي پايداسى بار؟ جارايدى، استانا كۇنىن تويلاما دەمەيىك، تويلايىق، بىراق جىل سايىن كرۋتويلاردى، ماتسۋەۆتەردى  شاقىرا بەرۋدىڭ كەرەگى بار ما؟

جۋرناليستەردىڭ باسىن قوسىپ، ۇكىمەتكە ءبىر ۇندەۋ تاستايتىن كەز كەلگەن سياقتى.

اbai.kz