«قازاگرو» حولدينگى قارجى نارىعىنان، ونىڭ ىشىندە شەتەل قارجى نارىعىنان «اگروبيزنەس-2020» باعدارلاماسى بويىنشا تاۋار وندىرۋشىلەردى قارجىلاي ساۋىقتاندىرۋ ءۇشىن 2 ملرد. دوللار جۇمىلدىرىپ جاتىر. ول ءۇشىن شەتەل قارجى كومپانيالارىنىڭ اراسىندا ءوزىنىڭ ەۆرو وبليگاتسيالارىن ساتىپ (ەشبىر كەپىلدىكسىز), ءتيىستى قارجىنى تارتپاقشى. بۇل تۋرالى اۋىلشارۋاشىلىق ءمينيسترى اسىلجان مامىتبەكوۆ Facebook الەۋمەتتىك جەلىسىندەگى پاراقشاسىندا جازىپتى.

ال 2 ملرد. قارجىنى جۇمىلدىرۋ ءۇشىن، حولدينگ بەلگىلەنگەن راسىمدەردەن ءوتۋ كەرەك. ونىڭ ءبىرى -ينۆەستيتسيالىق رەيتينگ الۋ. «الەمدە ۇلكەن ينۆەستورلار ەسكەرەتىن، ولاردىڭ شەشىمىنە تىكەلەي ىقپال جاساي الاتىن ءۇش-ءتورت اق ترانسۇلتتىق رەيتينگىلىك مەكەمە بار (Standard & Poor's, Fitch, Moody's). رەيتينگ بەرگەن كەزدە بۇل مەكەمەلەر باعالانىپ جاتقان كومپانيانىڭ جۇمىسىن، جاعدايىن جان-جاقتى زەرتتەپ، اسىرەسە قارجى جاعدايىنا، ونىڭ اكتيۆتەرىنىڭ ناعىز باعاسىنىڭ تەڭگەرىمدەگى (بالانس) كورسەتكىشتەرىنە سايكەس كەلۋىنە، بار تاۋەكەلدىكتەرگە قاراپ ءتيىستى باعا (رەيتينگى) بەرەدى»، - دەپ جازادى مينيستر.

قارجىسىن سالاردىڭ الدىندا ينۆەستورلار وبليگاتسيا شىعاراتىن كومپانيانىڭ قارجى جاعدايىن وزدەرى زەرتتەمەي، بەرىلگەن رەيتينگىگە سۇيەنىپ وزدەرىنىڭ شەشىمىن قابىلدايدى. نەعۇرلىم رەيتينگ جوعارى بولسا، سوعۇرلىم قارجى الۋ مۇمكىندىگى جوعارى، ال قارجىنىڭ باعاسى تومەن بولادى.

«قازاگرو» حولدينگى قارجى نارىعىنان، ونىڭ ىشىندە شەتەل قارجى نارىعىنان «اگروبيزنەس-2020» باعدارلاماسى بويىنشا تاۋار وندىرۋشىلەردى قارجىلاي ساۋىقتاندىرۋ ءۇشىن 2 ملرد. دوللار جۇمىلدىرىپ جاتىر. ول ءۇشىن شەتەل قارجى كومپانيالارىنىڭ اراسىندا ءوزىنىڭ ەۆرو وبليگاتسيالارىن ساتىپ (ەشبىر كەپىلدىكسىز), ءتيىستى قارجىنى تارتپاقشى. بۇل تۋرالى اۋىلشارۋاشىلىق ءمينيسترى اسىلجان مامىتبەكوۆ Facebook الەۋمەتتىك جەلىسىندەگى پاراقشاسىندا جازىپتى.

ال 2 ملرد. قارجىنى جۇمىلدىرۋ ءۇشىن، حولدينگ بەلگىلەنگەن راسىمدەردەن ءوتۋ كەرەك. ونىڭ ءبىرى -ينۆەستيتسيالىق رەيتينگ الۋ. «الەمدە ۇلكەن ينۆەستورلار ەسكەرەتىن، ولاردىڭ شەشىمىنە تىكەلەي ىقپال جاساي الاتىن ءۇش-ءتورت اق ترانسۇلتتىق رەيتينگىلىك مەكەمە بار (Standard & Poor's, Fitch, Moody's). رەيتينگ بەرگەن كەزدە بۇل مەكەمەلەر باعالانىپ جاتقان كومپانيانىڭ جۇمىسىن، جاعدايىن جان-جاقتى زەرتتەپ، اسىرەسە قارجى جاعدايىنا، ونىڭ اكتيۆتەرىنىڭ ناعىز باعاسىنىڭ تەڭگەرىمدەگى (بالانس) كورسەتكىشتەرىنە سايكەس كەلۋىنە، بار تاۋەكەلدىكتەرگە قاراپ ءتيىستى باعا (رەيتينگى) بەرەدى»، - دەپ جازادى مينيستر.

قارجىسىن سالاردىڭ الدىندا ينۆەستورلار وبليگاتسيا شىعاراتىن كومپانيانىڭ قارجى جاعدايىن وزدەرى زەرتتەمەي، بەرىلگەن رەيتينگىگە سۇيەنىپ وزدەرىنىڭ شەشىمىن قابىلدايدى. نەعۇرلىم رەيتينگ جوعارى بولسا، سوعۇرلىم قارجى الۋ مۇمكىندىگى جوعارى، ال قارجىنىڭ باعاسى تومەن بولادى.

قازىرگى ۋاقىتتا «قازاگرو» حولدينگى ەگەمەندى (سۋۆەرەندى) دەڭگەيدە رەيتينگ الىپ، بەلگىلەنگەن كەستە بويىنشا 1 ملرد. دوللارعا ءوزىنىڭ وبليگاتسيالارىن ساتتى. قارجى بىرنەشە كۇننىڭ ىشىندە حولدينگتىڭ ەسەپ شوتىنا تۇسەدى. كەلەسى جىلى تاعى ءبىر ميلليارد دوللار وسى جولمەن تارتپاقشى. ءسوز اراسىندا ايتىپ كەتەتىن جاي، ەلىمىزدىڭ «قازمۇنايگاز»، «قتج»، «قازاتومونەركاسىپ» جانە ت.ب. اتى شۋلى مۇناي-گاز تۇتقالارىن ۇستاپ تۇرعان، رەسپۋبليكالىق دەڭگەيدە مونوپوليست بولىپ سانالاتىن كومپانيالاردىڭ رەيتينگىلەرى ءبىر-ەكى ساتى تومەن. انىقتاما رەتىندە: ءبىر ەلدىڭ مەكەمەسى سول ەلدىڭ ءوزىنىڭ رەيتينگىسىنەن جوعارى رەيتينگى الا المايدى، سوندىقتان «قازاگرونىڭ» الىنعان رەيتينگىسى الۋعا بولاتىننىڭ ىشىندە ەڭ جوعارعىسى.

«ايتىلعاننىڭ ءبارى تەك اقپارات رەتىندە عوي. ويتكەنى، قۇرمەتتى دوستار، ونى باسقا اقپارات كوزىنەن دە ەستۋگە مۇمكىندىكتەرىڭىز بار. مەنىڭ نەگىزگى ايتقىم كەلگەنى - وسىدان ءۇش-ءتورت جىل بۇرىن باستالعان "قازاگرونىڭ اقشاسىن ءىشىپ-جەپ قويىپتى، جىمقىرىپ قويىپتى، جاپپاي جەمقورلىق" دەگەن ۋ-شۋ، دۋ-دۋ اڭگىمەنىڭ ءبارى قايدا قالدى؟ ونداي فاكتىلەر بولسا، حولدينگ قالاي ەگەمەندى دەڭگەيدە رەيتينگ الاتىن ەدى. الدە، رەيتينگىلىك مەكەمەلەردىڭ بەرگەن باعاسى بۇرىس پا؟ الدە ساياسي استارسىز، سابىرلىقپەن، وبەكتيۆتى تۇردە شۋ شىعارىپ تۇرعان سۇراققا قاراسا، تاڭىلىپ، ۇسىنىپ جاتقان تەز پىسكىش شەشىمدەردەن، جاسالىنىپ جاتقان تۇجىرىمداردان بولەك، مۇلدەم باسقا پىكىر مەن كوزقاراس تابۋعا بولا ما؟» - دەپ جازادى مامىتبەكوۆ. «سوندا قازىرگى اۋىل شارۋاشىلىعى سالاسىنداعى سۇراقتاردىڭ اينالاسىنداعى ءدۇبىردىڭ استارى نەدە؟ سۇراق كوپ دوستار، سوندىقتان باعا قويىپ، قورىتىندىلاعانعا اسىقپايىق»، - دەيدى مينيستر.

Abai.kz