جۇما, 29 ناۋرىز 2024
2034 2 پىكىر 1 ماۋسىم, 2023 ساعات 12:27

بقو-داعى نوۆوپاۆلوۆكا اۋىلى قۇماقساي اتالدى

باتىس قازاقستان وبلىسىندا تەرەكتى اۋدانىنىڭ نوۆوپاۆلوۆكا اۋىلىنا قۇماقساي اتاۋى بەرىلدى. 

بقو مادەنيەت، تىلدەردى دامىتۋ جانە ارحيۆ ءىسى باسقارماسىنىڭ باسشىسى سايران دۇيسەنوۆتىڭ ءمالىم ەتكەنىندەي، باتىس قازاقستان وبلىسى اكىمدىگىنىڭ 2023 جىلعى 31 مامىرداعى №123 قاۋلىسى جانە باتىس قازاقستان وبلىستىق ءماسليحاتىنىڭ 2023 جىلعى 31 مامىرداعى №3-3 شەشىمى نەگىزىندە تەرەكتى اۋدانىنىڭ نوۆوپاۆلوۆكا اۋىلدىق وكرۋگى – قۇماقساي اۋىلدىق وكرۋگى دەپ قايتا اتالىندى.

ونىڭ ايتۋىنشا، سونىمەن قاتار بقو اكىمدىگىنىڭ 2023 جىلعى 31 مامىرداعى №124 قاۋلىسى جانە بقو ءماسليحاتىنىڭ 2023 جىلعى 31 مامىرداعى №3-4 شەشىمىنە سايكەس جاڭاقالا كوللەدجىنە سەيىتقالي مەندەشەۆتىڭ، كارمانوۆ ورتا مەكتەبىنە دىنمۇحامەد قوناەۆتىڭ ەسىمدەرىن بەرۋ تۋرالى جانە ءبورلى اۋدانى ءبىلىم بەرۋ ءبولىمىنىڭ الەكساندروۆ ورتا مەكتەبىن – دوستىق ورتا مەكتەبى، بايتەرەك اۋدانى ءبىلىم بەرۋ ءبولىمىنىڭ چەبوتارەۆ ورتا مەكتەبىن – قۇرمانعازى ورتا مەكتەبى، كيروۆ نەگىزگى ورتا مەكتەبىن – بولاشاق نەگىزگى ورتا مەكتەبى، پودحوز نەگىزگى ورتا مەكتەبىن جالىن نەگىزگى ورتا مەكتەبى دەپ قايتا اتاۋ بويىنشا ۇسىنىستار رەسپۋبليكالىق ونوماستيكالىق كوميسسيانىڭ قاراۋىنا جولداندى.

باسقارما باسشىسىنىڭ سوزىنە قاراعاندا، مەملەكەتتىك الەۋمەتتىك تاپسىرىس نەگىزىندە قوعامدىق پىكىر كوشباسشىلارىن تارتا وتىرىپ، «ونوماستيكا – مەملەكەتتىك يدەولوگيانىڭ نەگىزى» تاقىرىبىندا كەشەندى كەزدەسۋلەر، «مەن تۇراتىن كوشەنىڭ تاريحى» اكتسياسى، «ونوماستيكا – ەل ايناسى» كەشەندى ءىس-شارالار جانە كورنەكى اقپاراتتاردى راسىمدەۋدە ادىستەمەلىك كومەك كورسەتۋ ءۇشىن «TILGE QURMET» قوعامدىق ءتىل ينسپەكتسياسى قىزمەتىن ۇيىمداستىرۋ جوبالارى بويىنشا جۇمىستار جۇرگىزىلۋدە.

«بۇگىنگى تاڭدا 400-گە جۋىق ءبىلىم بەرۋ ۇيىمدارى مەن كاسىپكەرلىك نىساندارىنا «قازاقستان رەسپۋبليكاسىنداعى ءتىل تۋرالى» زاڭىنىڭ 21-بابىنىڭ تالاپتارىنىڭ ساقتالۋى بويىنشا ادىستەمەلىك كومەك كورسەتىلىپ، ورىن العان زاڭ بۇزۋشىلىقتار جويىلدى. سونداي-اق مەملەكەتتىك ءتىلدىڭ قولدانىس اياسىن كەڭەيتۋ ماقساتىندا وبلىستاعى ءبىلىم بەرۋ، دەنساۋلىق ساقتاۋ، مادەنيەت ۇيىمدارىنىڭ ۆەب سايتتارىنداعى جانە الەۋمەتتىك جەلىدە ورنالاستىرعان اقپاراتتارىنا مونيتورينگ جۇرگىزىلىپ، «قازاقستان رەسپۋبليكاسىنداعى ءتىل تۋرالى» زاڭىنىڭ تالاپتارىنا سايكەستەندىرىلدى»، دەدى قازاقپارات تىلشىسىنە سايران تەمىرعاليۇلى.

ەسكە سالا كەتەيىك، بۇدان بۇرىن باتىس قازاقستاندا اۋدان ورتالىعى فەدوروۆكانىڭ اتاۋى تەرەكتى بولىپ وزگەرگەن ەدى.

سۋرەت: mgorod.kz

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1579
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3606