جۇما, 29 ناۋرىز 2024
1470 1 پىكىر 2 ماۋسىم, 2023 ساعات 14:53

قازاقستان ازاماتتارى قۇمار ويىنعا 100 ملرد تەڭگەدەن استام قارجىنى جۇمساعان

ەلوردا اكىمدىگىندە وتكەن «قوعاممەن سەرىكتەستىكتە قوعامدىق قاۋىپسىزدىكتى قامتاماسىز ەتۋ» تۇجىرىمداماسى اياسىندا استاناداعى ماسەلەلەر كارتاسىن تانىستىرعان ىشكى ىستەر ءمينيسترى مارات احمەتجانوۆ لۋدومانيا ماسەلەسىن كوتەردى. 

«ۇلتتىق ستاتيستيكاعا سايكەس، 2019 جىلمەن سالىستىرعاندا بىلتىر قۇمار ويىندار مەن ءباس تىگۋ قىزمەتتەرىنىڭ كولەمى 40 ەسەگە ءوستى. سوڭعى 2 جىلدا قۇمار ويىندار نارىعى جىلجىمايتىن مۇلىك نارىعىن باسىپ وزىپ، قازاقستاندىقتار ەڭ كوپ جۇمسايتىن جەتەكشى ورىنعا يە بولدى. بيىلعى جىلدىڭ ءبىرىنشى توقسانىندا عانا حالىقتىڭ شىعىنى 100 ملرد تەڭگەدەن استى. بۇل كىتاپحانالار مەن مۇراجايلارعا قاراعاندا 70 ەسە، شىعارماشىلىق پەن ونەرگە قاراعاندا 50 ەسە، IT قىزمەتتەرىنە قاراعاندا 5 ەسە جانە جىلجىمايتىن مۇلىك وپەراتسيالارىنا قاراعاندا 2 ەسە كوپ»، - دەدى مارات احمەتجانوۆ.

مينيستر قازىر بۇل باعىتتاعى جارناما كەز كەلگەن ونلاين-پلاتفورمادا قولجەتىمدى ەكەنىن اتاپ ءوتتى. بۇل ءوز كەزەگىندە ماسەلەنىڭ كەڭ ءورىس الۋىنا سەەپ بولىپ وتىر.

«بۇگىندە ەشكىم لۋدومانيا ماسەلەسىمەن اينالىسپايدى. سالىق ورگاندارى تەك سالىق تولەتۋگە مۇددەلى. جەرگىلىكتى اتقارۋشى ورگاندارعا بيۋدجەتكە تۇسەتىن تۇسىمدەر ماڭىزدى. كاسىپكەرلەر كىرىستى «قۋادى». ناتيجەسىندە حالىق زارداپ شەگەدى: ازاماتتار مۇلىكتەرىن سالىپ، نەسيە الادى. ارتىنان اجىراسادى، جۇمىسىنان ايىرىلادى، قىلمىسقا بارادى، ومىرمەن ەسەپ ايىرىسادى»، - دەپ ماسەلە كوتەرلى ۆەدومستۆو باسشىسى.

اتالعان پروبلەمالاردى شەشۋ ءۇشىن مينيستر وزىق حالىقارالىق تاجىريبەنى نەگىزگە الۋدى ۇسىندى. مارات احمەتجانوۆ مۇنداي جاڭاشىلدىقتاردى ءبىرىنشى كەزەكتە ەلورداعا ەنگىزۋ كەرەك دەپ ەسەپتەيدى.

 

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1571
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3565