كەيىنگى 5 جىل ىشىندە تۇرمىس سالاسىنداعى وتىنىشتەر سانى 3 ەسەگە ارتتى. مۇنى «قوعاممەن سەرىكتەستىكتە قوعامدىق قاۋىپسىزدىكتى قامتاماسىز ەتۋ» تۇجىرىمداماسى اياسىندا استاناداعى ماسەلەلەر كارتاسىن تانىستىرعان ىشكى ىستەر ءمينيسترى مارات احمەتجانوۆ ايتتى. 

«بۇگىن باق، الەۋمەتتىك جەلىلەر تۇرمىستىق قىلمىستار تۋرالى باسىلىمدارعا تولى. بۇل ماسەلە بىرتىندەپ «كولەڭكەدەن» شىعادى. 5 جىل ىشىندە تۇرمىس سالاسىنداعى وتىنىشتەر سانى 3 ەسەگە ارتتى. الايدا، ولاردىڭ 60%-ى بويىنشا پوليتسيا جابىرلەنۋشىلەردىڭ ءوتىنىش بەرۋدەن باس تارتۋىنا بايلانىستى شارا قولدانا المادى. ونسىز ءبىز «ءۇي تيراندارىن» جاۋاپقا تارتا المايمىز. جىل باسىنان بەرى وتباسىلىق تۇرمىستا 68 ادام ءولتىرىلدى»، - دەپ توقتالدى ۆەدومستۆو باسشىسى.

ەسكە سالا كەتەيىك، 1 شىلدەدەن باستاپ تۇرمىستىق جانجال قۇربانى ارىز تۇسىرمەسە دە، پوليتسيانىڭ ءىس قوزعاۋىنا مۇمكىندىك بەرەتىن زاڭ نورماسى كۇشىنە ەندى.

Abai.kz