سەيسەنبى, 16 شىلدە 2024
1380 0 پىكىر 6 ماۋسىم, 2023 ساعات 16:09

سمايىلوۆ: «جاعاجايدا ىشىمدىك ىشۋگە تىيىم سالۋ كەرەك»

پرەمەر-مينيستر ءاليحان سمايىلوۆ شومىلۋ ماۋسىمىندا قاۋىپسىزدىكتى قامتاماسىز ەتۋ شارالارىن پىسىقتاپ، باقىلاۋدا ۇستاۋ كەرەكتىگىن ەسكەرتتى. 

«اكىمشىلىك شارالار قولدانۋ ارقىلى جاعاجايلاردا ىشىمدىك ىشۋگە جول بەرمەي، تىيىم سالۋ كەرەك. ول ءۇشىن دەمالىس ورىندارىنداعى قوعامدىق ءتارتىپتى قاداعالاۋ جۇمىستارىن كۇشەيتۋ قاجەت. يندۋستريا جانە ينفراقۇرىلىمدىق دامۋ مينيسترلىگى ءوڭىر اكىمدىكتەرىمەن بىرلەسىپ، شاعىن كولەمدى كەمەلەردى پايدالانۋ بارىسىن باقىلاۋ بويىنشا شارالار قابىلداۋى ءتيىس. سۋ قايىعىن قولدانۋدا تەحنيكالىق اقاۋدىڭ كەسىرىنەن ارتى قايعىمەن اياقتالعان جاعدايلار بار»، - دەدى ءاليحان سمايىلوۆ ۇكىمەت وتىرىسىندا.

ۇكىمەت باسشىسى جاعاجايلارداعى قاۋىپسىزدىك ماسەلەسىن قاتاڭ باقىلاۋدا ۇستاۋ كەرەكتىگىن تاعى ءبىر ەسكە سالدى.

«توتەنشە جاعدايلار مينيسترلىگى شومىلۋ ماۋسىمىندا قاۋىپسىزدىكتى قامتاماسىز ەتۋ بويىنشا مۇددەلى مەملەكەتتىك ورگانداردىڭ جۇمىسىن ناقتى ۇيلەستىرۋدى قامتاماسىز ەتىپ، قوعامدىق قۇتقارۋشىلاردى تارتۋ شارالارىن كۇشەيتۋى قاجەت. ءوڭىر اكىمدىكتەرى شومىلۋ ماۋسىمىنا ارنالعان ءىس-شارالار جوسپارلارىنىڭ ساپالى ورىندالۋىن نازاردا ۇستاۋى ءتيىس. وسى ماسەلەلەردى ۇيلەستىرۋ توتەنشە جاعدايلار مينيسترلىگىنە جۇكتەلەدى»، - دەيدى ول.

 

Abai.kz

0 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1226
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 1936
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 1975