5 ملن تەڭگە كىمگە بۇيىرادى؟
«قازاقستان» ۇلتتىق تەلەارناسىنىڭ «جۇلدىزدى ءسات» مەگاجوباسىندا مامىردىڭ 11-نەن باستاپ، سەنبى كۇنى تىكەلەي ەفيردە داۋىس بەرۋ باستالادى . ءار باعدارلامادان ەكى ونەرپاز عانا فينالعا شىعادى. فينالعا جولداما العان دارىندار اراسىندا تاعى ءبىر مارتە ىرىكتەۋ ءوتىپ، حالىق قولداۋىنا يە بولعان شىنايى تالانت قانا بەس ميلليون تەڭگە اقشالاي سىياقىعا يە بولادى. بۇل تۋرالى «قازاقستان» اق» رسپۋبليكالىق تەلەراديو كەشەنىنىڭ ءباسپاسوز حاتشىسى تاناكوز تولقىنقىزى حابارلادى.
قازاقستان جۇرتشىلىعى «جۇلدىزدى ءسات» تەلەدۋمانىنىڭ ىرىكتەۋ كەزەڭىن بىرنەشە اپتادان بەرى «قازاقستان» ۇلتتىق تەلەارناسىنان تاماشالاپ كەلەدى. بۇل جوبا باسقا باعدارلامادان وزىندىك ەرەكشەلىكتەرىمەن ايشىقتالدى. از ۋاقىت ىشىندە كورەرمەندەردىڭ جۇرەگىنە جول تاۋىپ، حالىقتىڭ ىقىلاسىنا بولەندى. جوبادا باق سىناعان ۇمىتكەرلەر ەل اراسىنان شىققاندىقتان، باعدارلاما حالىققا ءبىرتابان جاقىن.
«قازاقستان» ۇلتتىق تەلەارناسىنىڭ «جۇلدىزدى ءسات» مەگاجوباسىندا مامىردىڭ 11-نەن باستاپ، سەنبى كۇنى تىكەلەي ەفيردە داۋىس بەرۋ باستالادى . ءار باعدارلامادان ەكى ونەرپاز عانا فينالعا شىعادى. فينالعا جولداما العان دارىندار اراسىندا تاعى ءبىر مارتە ىرىكتەۋ ءوتىپ، حالىق قولداۋىنا يە بولعان شىنايى تالانت قانا بەس ميلليون تەڭگە اقشالاي سىياقىعا يە بولادى. بۇل تۋرالى «قازاقستان» اق» رسپۋبليكالىق تەلەراديو كەشەنىنىڭ ءباسپاسوز حاتشىسى تاناكوز تولقىنقىزى حابارلادى.
قازاقستان جۇرتشىلىعى «جۇلدىزدى ءسات» تەلەدۋمانىنىڭ ىرىكتەۋ كەزەڭىن بىرنەشە اپتادان بەرى «قازاقستان» ۇلتتىق تەلەارناسىنان تاماشالاپ كەلەدى. بۇل جوبا باسقا باعدارلامادان وزىندىك ەرەكشەلىكتەرىمەن ايشىقتالدى. از ۋاقىت ىشىندە كورەرمەندەردىڭ جۇرەگىنە جول تاۋىپ، حالىقتىڭ ىقىلاسىنا بولەندى. جوبادا باق سىناعان ۇمىتكەرلەر ەل اراسىنان شىققاندىقتان، باعدارلاما حالىققا ءبىرتابان جاقىن.
ايتۋلى دودا ءالى جالعاسۋدا. سان الۋان ونەر يەلەرى ىرىكتەۋ كەزەڭىندە بارىن سالىپ، قازىلار القاسىنىڭ قاتاڭ سىنىنان ءوتىپ، جارتىلاي فينالعا جولداما الادى. ونىڭ ىشىندە «بۋىنى قاتىپ، بۇعاناسى بەكىمەگەن» جاس بالادان باستاپ «اق ساقالدى، سارى ءتىستى» ەگدە جاستاعى ادامدار دا بار. ءار ونەرپاز ءوز بويىنداعى قۇداي بەرگەن تالانتىن كورسەتىپ، جوبادان شىعىپ قالماۋعا تىرىسىپ جاتىر. الايدا، قاي ونەرپازدىڭ مەرەيى ۇستەم بولىپ، باعى جاناتىنى ءالى بەلگىسىز. سونىمەن، جاقىندا ىرىكتەۋ كەزەڭى مارەسىنە جەتەدى. تالانتتار اراسىندا تارتىس قىزا ءتۇستى. ەندى قازىلار القاسىنىڭ قولداۋىنا يە بولعان ۇمىتكەرلەر تىكەلەي ەفيردە ونەر كورسەتەدى. بۇل جولى جوباعا قاتىسۋشىلاردىڭ ونەرىن سارالاپ، ولارعا باعا بەرۋشى – حالىق. قىزۋ تارتىس كورەرمەندەردىڭ كوز الدىندا وتەدى. كورەرمەن وزىنە ۇناعان ونەرپازعا سمس جولداۋ ارقىلى داۋىس بەرەدى. جوبانىڭ ىرىكتەۋ كەزەڭىنەن باستاپ تالانتىمەن جۇرتتى تاڭقالدىرعان ونەرپازعا جانكۇيەر بولۋعا مۇمكىندىك الادى. ال ۇمىتكەرلەر بولسا، كورسەتەتىن ونەرلەرىن ودان سايىن كۇردەلەندىرىپ، تورەشىلەر مەن كورەرمەندەردى تاڭقالدىرا تۇسەدى.
ءبىرى – داۋىسىنا سەنسە، ءبىرى - بىلەگىنىڭ كۇشىنە ءۇمىت ارتادى. جارتىلاي فينالدىڭ تالاپتارى ىرىكتەۋ كەزەڭىنەن دە قاتال. تورەشىلەردىڭ دە قاباعى قاتۋلانا تۇسەدى. ونەرپازدىڭ ءار قيمىلىن بۇكىل قازاقستان حالقى قالت جىبەرمەي باقىلاپ وتىرادى.
باس جۇلدە ءۇشىن تارتىستا ءبىر كىتاپتى تۇگەلىمەن جاتقا بىلەتىن شايمەردەن اسكەن، شەگەنى الاقانىمەن ءبىر ۇرىپ قاعاتىن ەسىمبەك توقجىگىتوۆ، قىلىش جۇتقان ايدوس توقتارباەۆ تا بارىن سالماق. كومەيىنەن قۇبىلتا دىبىس شىعاراتىن بەيبارىس باقبەرگەنۇلى، سۋرەتشى بازار ىرىستانۇلى، سىيقىرشى اببوس ابدۋللاەۆ جانە باسقالار كورەرمەن كوزايىمىنا اينالىپ ۇلگەردى. ەل ىشىنەن شىققان وسى تالانتتاردىڭ ونەرىن تاماشالاپ، داۋىس بەرگىڭىز كەلسە، «جۇلدىزدى ءساتتىڭ» ءار باعدارلاماسىن قالت جىبەرمەڭىزدەر!
