زەينەتاقى رەفورماسى. ساياسي ۇپاي جيناۋ ويىنى اياقتالدى. بۇل ويىننىڭ بولعانىنان بولادىسى قىزىق بولدى. اقىرى، ءبارى اينا-قاتەسىز ەل ايتقانداي بولىپ شىقتى: پرەزيدەنت زاڭ جوباسىن پارلامەنتكە قايتاردى، «حالىق قالاۋلىلارى» «قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» زاڭىنىڭ 11-بابى 1-تارماعى بويىنشا مەملەكەت باسشىسى ۇسىنعان جاڭا رەداكتسيانى ءبىر اۋىزدان ماقۇلدادى. مەملەكەتتىك ارنالار پرەزيدەنت شەشىمىنەن كەيىن ىلدىم-جىلدىم تىكەلەي ەفير ۇيىمداستىرىپ، اقپاراتتىق جاعىن تاستاي قىلدى. الدىن-الا ويلاستىرىلعانداي ءار جەردەن «پرەزيدەنتتىڭ شەشىمىنە ريزامىز! ءبىزدى ويلايتىن سول كىسى عانا» دەگەن جالىندى سوزدەر ايتىلادى باستادى. زەينەتاقى رەفورماسى ءسوز بولا باستاعاندا-اق، سەرىك ابدەندوۆتىڭ ساياسي ويىننىڭ قۇربانى بولاتىنى ايتىلىپ قويعان ەدى. سولاي بولدى دا. مارچەنكو بەلگىسىز مەرزىمگە دەمالىسقا كەتتى. وسىمەن، 0:1＝01 ەسەپپەن ويىن اياقتالدى.

ءبىزدىڭ ەلدە تەرەڭ ويلاستىرىلعان، ىم-جىمىن اجىراتۋ قيىن ءارى وتە ءساتتى شىعاتىن ساياسي ويىندار دا قالماي بارادى. بيلىكتىڭ نە ىستەمەككە بەكىنگەنىن ونىڭ سوڭى نەمەن تىناتىن ءا دەگەندە-اق ەل بىردەن ءبىلىپ، جازباي تانيتىن بولدى.

ءتۇبى تىنىش بولسىن!..

زەينەتاقى رەفورماسى. ساياسي ۇپاي جيناۋ ويىنى اياقتالدى. بۇل ويىننىڭ بولعانىنان بولادىسى قىزىق بولدى. اقىرى، ءبارى اينا-قاتەسىز ەل ايتقانداي بولىپ شىقتى: پرەزيدەنت زاڭ جوباسىن پارلامەنتكە قايتاردى، «حالىق قالاۋلىلارى» «قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» زاڭىنىڭ 11-بابى 1-تارماعى بويىنشا مەملەكەت باسشىسى ۇسىنعان جاڭا رەداكتسيانى ءبىر اۋىزدان ماقۇلدادى. مەملەكەتتىك ارنالار پرەزيدەنت شەشىمىنەن كەيىن ىلدىم-جىلدىم تىكەلەي ەفير ۇيىمداستىرىپ، اقپاراتتىق جاعىن تاستاي قىلدى. الدىن-الا ويلاستىرىلعانداي ءار جەردەن «پرەزيدەنتتىڭ شەشىمىنە ريزامىز! ءبىزدى ويلايتىن سول كىسى عانا» دەگەن جالىندى سوزدەر ايتىلادى باستادى. زەينەتاقى رەفورماسى ءسوز بولا باستاعاندا-اق، سەرىك ابدەندوۆتىڭ ساياسي ويىننىڭ قۇربانى بولاتىنى ايتىلىپ قويعان ەدى. سولاي بولدى دا. مارچەنكو بەلگىسىز مەرزىمگە دەمالىسقا كەتتى. وسىمەن، 0:1＝01 ەسەپپەن ويىن اياقتالدى.

ءبىزدىڭ ەلدە تەرەڭ ويلاستىرىلعان، ىم-جىمىن اجىراتۋ قيىن ءارى وتە ءساتتى شىعاتىن ساياسي ويىندار دا قالماي بارادى. بيلىكتىڭ نە ىستەمەككە بەكىنگەنىن ونىڭ سوڭى نەمەن تىناتىن ءا دەگەندە-اق ەل بىردەن ءبىلىپ، جازباي تانيتىن بولدى.

ءتۇبى تىنىش بولسىن!..

ايتپاقشى، تومەندەگى ۆيدەودا زەينەتاقى رەفورماسى توڭىرەگىندەگى سوڭعى وزگەرىستەر تۋرالى پىكىرىن بىلمەك بولعان جۋرناليستتەرگە دەپۋتات گۇلجان قاراعۇسوۆا: «ۇكىمەت بىزدىكى عوي، «نۇر وتاندىكى عوي»، دەپ شۇلدىرلەپ، «جاڭالىق» اشىپتى. ال، دەپۋتات گۇلميرا يسيمباەۆا بولسا، ءجۋرناليستتىڭ: «ەلباسى (زەينەتاقى رەفورماسى) سىناعانعا دەيىن پارلامەنتتىڭ زاڭ جوباسىن كەيىنگە قالدىرۋعا مۇمكىندىگى بولدى ما؟» دەگەن ساۋالىن ەستي سالا شالت بۇرىلىپ تايىپ تۇردى. ءبىزدى قويشى، يسيمباەۆانىڭ سايلاۋشىلارىنان ۇيات بولدى-اۋ...

Abai.kz