ۇلتتىق ەكونوميكا مينيسترلىگى جىلدىڭ التى ايىنداعى نەگىزگى الەۋمەتتىك-ەكونوميكالىق كورسەتكىشتەردى جاريالادى. 

«ەلدىڭ حالىقارالىق رەزەرۆتەرى 2023 جىلعى 1 شىلدەدەگى جاعداي بويىنشا 94,2 ملرد اقش دوللاردىن قۇرادى، 2023 جىلدىڭ باسىنا قاراعاندا 3,8% ءوستى. ۇلتتىق بانكتىڭ التىن-ۆاليۋتا اكتيۆتەرى 1,8%، 34,5 ملرد اقش دوللارىنا دەيىن تومەندەدى. ۇلتتىق قوردىڭ شەتەل ۆاليۋتاسىنداعى اكتيۆتەرى 7,3%، 59,8 ملرد اقش دوللارىنا دەيىن ۇلعايدى»، - دەپ جازىلعان مينيسترلىكتىڭ مالىمەتىندە.

ۆەدومستۆو دەرەگىنشە، حالىقتىڭ جان باسىنا شاققانداعى اقشالاي كىرىسى مامىر ايىندا 170,1 مىڭ تەڭگە بولعان.

بۇل 2022 جىلعى مامىرمەن سالىستىرعاندا 2,6% تومەن.

«ورتاشا ايلىق جالاقى 2023 جىلعى I توقساندا 340,6 مىڭ تەڭگە بولدى جانە 2022 جىلعى سايكەس توقسانمەن سالىستىرعاندا نومينالدى ماندە 19,3% ارتىپ، ناقتى ماندە 0,6%-كە تومەندەدى. جۇمىسسىزدىق دەڭگەيى 2023 جىلعى I توقساندا 4,8% بولدى»، - دەلىنگەن انىقتامادا.

فوتو: عالامتوردان

Abai.kz