قاسىم-جومارت توقاەۆ "قر مەملەكەتتىك كۇزەت قىزمەتى جونىندەگى ەرەجەنى بەكىتۋ تۋرالى" جارلىققا قول قويدى. جارلىققا ساي  كۇزەت قىزمەتى ەندى نازارباەۆتىڭ قاۋىپسىزدىگىنە جاۋاپ بەرمەيدى.

جاڭا وزگەرىسكە ساي، مەملەكەتتىك كۇزەت قىزمەتىنىڭ (مكق) باستى فۋنكتسياسى قاتارىنان قر تۇڭعىش پرەزيدەنتىنىڭ  قاۋىپسىزدىگىن قامتاماسىز ەتۋ مىندەتى الىنىپ تاستالدى.

"مىندەتتەرى – قازاقستان رەسپۋبليكاسى پرەزيدەنتىنىڭ جانە باسقا دا كۇزەتىلەتىن ادامداردىڭ قاۋىپسىزدىگىن قامتاماسىز ەتۋ", - دەلىنگەن جاڭا قۇجاتتا.

جارلىق العاش رەسمي جاريالانعاننان 10 كۇن ءوتىپ بارىپ، 3 تامىزدا كۇشىنە ەنەدى.

ەسكە سالساق، بۇعان دەيىن مكق-دەن نازارباەۆتىڭ قاۋىپسىزدىگىن قامتاماسىز ەتۋ مىندەتىن الىپ تاستاۋ تۋرالى قۇجات  قوعامدىق تالقىلاۋعا ۇسىنىلىپ، كەيىن ماقۇلداندى.

Abai.kz