2023 جىلدىڭ ءبىرىنشى جارتىجىلدىعىندا مەديتسينا كادرلارىنا تاپشىلىق 8 836 ماماندى قۇرادى. بۇل جايىندا دەنساۋلىق ساقتاۋ مينيسترلىگىنەن ءمالىم ەتتى.

«2023 جىلدىڭ ءبىرىنشى جارتىجىلدىعىندا مەديتسينا كادرلارىنا تاپشىلىق 8 836 شتاتتىق بىرلىكتى (دارىگەرلەر – 4 619, ورتا مەديتسينالىق قىزمەتكەرلەر – 4 216) قۇرادى. تاپشىلىق 31 پايىزعا (دارىگەرلەر بويىنشا – 27, ورتا مەديتسينا قىزمەتكەرلەرى بويىنشا – 36) تومەندەدى»، - دەپ اتاپ ءوتتى مينيسترلىكتەن اگەنتتىكتىڭ رەسمي ساۋالىنا وراي.

وسى ورايدا ۆەدومستۆو مەديتسينالىق كادرلار تاپشىلىعى الماتى، اتىراۋ، جامبىل، قىزىلوردا، ماڭعىستاۋ وبلىستارى مەن استانا قالاسىندا تومەندەگەنىن اتاپ وتەدى. دەگەنمەن، انەستەزيولوگ-رەانيماتولوگ (233 مامان قاجەت), اكۋشەر-گينەكولوگ (268), جالپى تاجىريبە دارىگەرى (392), ساۋلەلىك دياگنوستيكا دارىگەرى (230) سىندى كلينيكالىق بەيىندەگى ماماندار تاپشىلىعى جوعارى بولىپ تۇر.

Abai.kz