مينيسترلىك اقپاراتىنشا، 3-5 تامىزدا استانادا قازاقستان-اۋعان بيزنەس-فورۋمى ءوتىپ، اۋعان تاۋارلارىنىڭ كورمەسى بولادى. كورمەگە اۋعانستاننان 70-كە جۋىق كومپانيا، 150-دەن استام كاسىپكەر قاتىسادى.
اقپاراتقا قاراعاندا، فورۋم بارىسىندا ساۋدا جانە ينتەگراتسيا مينيسترلىگى، "قازاقەكسپورت" كومپانياسى، ەكىنشى دەڭگەيدەگى بانكتەر، قازاقستاننىڭ لوگيستيكالىق كومپانيالارىنى باسشىلارى مەن اۋعان دەلاگاتسياسى اراسىندا كەلىسسوزدەر وتەدى.
بيىل كوكتەمدە قازاقستان ۇكىمەتى اۋعانستانمەن ساۋدا-ەكونوميكالىق قاتىناستى دامىتۋعا مۇددەلى ەكەنىن مالىمدەگەن. استانا "تاليبان" ۇكىمەتىنىڭ ديپلوماتتارىنا ەلشىلىك عيماراتىن بەرۋگە كەلىسكەن. الايدا مۇنى استانا "تاليبان ۇكىمەتىن مويىنداۋ ەمەس" دەپ اقتالعان.
"تاليبان" قوزعالىسى قازاقستاندا سوت شەشىمىمەن تەررور ۇيىم دەپ تانىلىپ، قىزمەتىنە تىيىم سالىنعان.
Abai.kz
