ۇزاق جىلدارى بويى وسى تىزىمدە ءانتيپۋتينشىل كوزقاراسىن جاسىرمايتىن قوعام قايراتكەرى ارمان شوراەۆ كوش باستاپ كەلگەن ەدى. ەندى سولتۇستىك كورشىنىڭ قر قارجى ءمينيسترى ەرۇلان جاماۋباەۆتى اتارعا وعى بولماي ءجۇر.

بۇل تۋرالى ەۋرازيالىق ەكونوميكالىق كوميسسياعا جاقىن DALA INSIDE دەرەككوزى حابارلادى.

ولار جاماۋباەۆتى اقش كوميسسارلارىنىڭ جەتەگىندە كەتىپ، رەسەيدىڭ پاراللەلدى يمپورتىنا شەكتەۋ قويا الاتىن «تاۋارلاردى ونلاين باقىلاۋ» جۇيەسىن ەنگىزدى دەپ ايىپتاپ وتىر. جالپى، كرەملدىڭ ويىنشا جاماۋباەۆ سانكتسيالاردى ورىنداۋدا سىلبىر قيمىلداۋدىڭ ورنىنا، تىم شيراق، بەلسەندى جۇمىس ىستەۋدە.

ەندى ارمان شوراەۆ تىزىمدە ەكىنشى ورىنعا ءتۇسىپ قالدى. سونىمەن قاتار، رەسەيگە «دوس ەمەس» قازاقستان ازاماتتارىنىڭ تىزىمىنە ساياساتتانۋشى دوسىم ساتباەۆ، ەكس-اقپارات ءمينيسترى اسقار ۋماروۆ، ەكس-كونسۋل مەيرام قاناپيا، سەناتور مۇحتار قۇل-مۇحاممەد، دەپۋتات اسحات ايماعامبەتوۆ، باس پروكۋرور بەرىك اسىلوۆ (قازاقستاندا Z, V سيمۆوليكالارىنا تيىم سالۋ تۋرالى باستاماسى ۇشىن), بلوگەر وڭعار قابدەن كىرەدى.

انتيتىزىممەن قاتار، رەسەيدىڭ دوستارى جازىلعان ءتىزىم دە بار.

رەسەيدى قولدايتىن، بولاشاقتا ماراپاتقا يە بولۋى ءتيىس تۇلعالاردىڭ اراسىندا دەپۋتات ايدوس سارىم، ساياساتتانۋشىلار پەتر سۆويك، دانيار اشىمباەۆ، مارات شيبۇتوۆ، جۋرناليست اناستاسيا احمەتوۆا، ءدىنتانۋشى مۇرتازا بۇلۇتايدى اتاپ وتۋگە بولادى.

وعان قوسا تىزىمدە ءتۇرلى اسكەري جاستار كلۋبتارىنىڭ جەتەكشىلەرى، ءورىستىلدى بىرنەشە سايت رەداكتورلارى دا كەزىگەدى.

Abai.kz