«Kazakhstan Today» اگەنتتىگىنىڭ حابارلاۋىنشا, پروكۋرورلىق تەكسەرۋدەن كەيىن قاپشاعايداعى ونداعان كاسىپكەرلەر يەلىك ەتىپ وتىرعان جاعاجايلار مەملەكەت مەنشىگىنە قايتارىلاتىن بولدى.

 «ءاي دەيتىن اجا، قوي دەيتىن قوجا» بولماعان كەزەڭدەردە بيزنەسمەندەر ادام دەمالاتىن جاعالاردى عانا ەمەس، كولدىڭ اكۆاتورياسىن تەلىم-تەلىمگە ءبولىپ مەنشىكتەپ العان. ال بۇل زاڭدى ورەسكەل بۇزۋ بولىپ سانالادى. ازىرگى كۇنى قالتالىلار زاڭسىز يەمدەنىپ العان جەر تەلىمدەرىن مەملەكەت قاراماعىنا قايتارۋ ءۇشىن بىرقاتار كاسىپكەرلەردىڭ ماسەلەسى سوتقا تاپسىرىلعان. الماتى وبلىستىق پروكۋراتۋرا باسقارماسىنىڭ باسشىسى ءسابيت شەمبەكوۆتىڭ ايتۋىنشا، اتالعان جەر تەلىمدەرى مۇلدەم باسقا مەكەمەلەرگە تيەسىلى بولعان. الايدا، بىلتىرعى جىلدىڭ شىلدەسىندە جەرگىلىكتى اتقارۋشى ورگاندار كاسىپكەرلەرگە جاعاجايلارمەن قاتار، 300 گەكتار اۋماقتى قۇرايتىن سۋ قورىن پايدالانۋدى جەكەمەنشىكتەرىنە بەرگەن.

ال زاڭدى بەلىنەن باسقان كاسىپكەرلەرگە «اتامەكەن» وداعى ۇلتتىق ەكونوميكالىق پالاتاسى كومەك قولىن ۇسىنۋعا ءازىر وتىر. پالاتا مۇشەلەرىنىڭ ايتۋىنشا، وسىنىڭ كەسىرىنەن كاسىپكەرلەر دوڭگەلەتىپ وتىرعان بيزنەستەرىنەن ءبىرجولاتا ايىرىلىپ قالۋى مۇمكىن.

«Kazakhstan Today» اگەنتتىگىنىڭ حابارلاۋىنشا, پروكۋرورلىق تەكسەرۋدەن كەيىن قاپشاعايداعى ونداعان كاسىپكەرلەر يەلىك ەتىپ وتىرعان جاعاجايلار مەملەكەت مەنشىگىنە قايتارىلاتىن بولدى.

 «ءاي دەيتىن اجا، قوي دەيتىن قوجا» بولماعان كەزەڭدەردە بيزنەسمەندەر ادام دەمالاتىن جاعالاردى عانا ەمەس، كولدىڭ اكۆاتورياسىن تەلىم-تەلىمگە ءبولىپ مەنشىكتەپ العان. ال بۇل زاڭدى ورەسكەل بۇزۋ بولىپ سانالادى. ازىرگى كۇنى قالتالىلار زاڭسىز يەمدەنىپ العان جەر تەلىمدەرىن مەملەكەت قاراماعىنا قايتارۋ ءۇشىن بىرقاتار كاسىپكەرلەردىڭ ماسەلەسى سوتقا تاپسىرىلعان. الماتى وبلىستىق پروكۋراتۋرا باسقارماسىنىڭ باسشىسى ءسابيت شەمبەكوۆتىڭ ايتۋىنشا، اتالعان جەر تەلىمدەرى مۇلدەم باسقا مەكەمەلەرگە تيەسىلى بولعان. الايدا، بىلتىرعى جىلدىڭ شىلدەسىندە جەرگىلىكتى اتقارۋشى ورگاندار كاسىپكەرلەرگە جاعاجايلارمەن قاتار، 300 گەكتار اۋماقتى قۇرايتىن سۋ قورىن پايدالانۋدى جەكەمەنشىكتەرىنە بەرگەن.

ال زاڭدى بەلىنەن باسقان كاسىپكەرلەرگە «اتامەكەن» وداعى ۇلتتىق ەكونوميكالىق پالاتاسى كومەك قولىن ۇسىنۋعا ءازىر وتىر. پالاتا مۇشەلەرىنىڭ ايتۋىنشا، وسىنىڭ كەسىرىنەن كاسىپكەرلەر دوڭگەلەتىپ وتىرعان بيزنەستەرىنەن ءبىرجولاتا ايىرىلىپ قالۋى مۇمكىن.

– زاڭ اياسىندا جاعالاۋ جانىنداعى دەمالىس نىساندارىنىڭ بارلىعى قيراتىلادى. ءبىر ەمەس، بىرنەشە جىل بويى سالىنعان دەمالىس ورىندارىن ءبىر كۇننىڭ ىشىندە جەرمەن-جەكسەن ەتكەن دۇرىس ەمەس. سايىپ كەلگەندە ولاردىڭ قابىرعا كوتەرۋىنە مەملەكەتتىك ورگانداردىڭ ءوزى رۇقسات بەرگەن، دەمەك، ەگەر ولار زاڭ شەڭبەرىندە جۇمىس ىستەمەسە قۇرىلىستى اۋەل باستان تەجەۋى ءتيىس ەدى، – دەيدى وداقتىڭ الماتى وبلىستىق فيليالىنىڭ ديرەكتورى ميراش شىناسىلوۆا.

ازىرگى كۇنى اتالمىش ماسەلە وبلىستىق ارنايى مامانداندىرىلعان اۋدانارالىق سوتىنىڭ قاراۋىندا جاتىر. ايتا كەتەلىك، جاعاجاي يەلەرىنىڭ ۇستىنەن 9 ارىز تۇسكەن. ەگەر سوت ارىزدانۋشىلاردىڭ تالاپ-وتىنىشتەرىن دۇرىس دەپ تاپسا، 700 گەكتاردان استام جاعاجاي مەملەكەت مەنشىگىنە قايتارىلادى. ال جەر تەلىمدەرىن زاڭسىز ۇلەستىرگەن شەنەۋنىكتەر تارتىپتىك جانە قىلمىستىق جاۋاپكەرشىلىككە تارتىلادى.

Abai.kz