پرەزيدەنتتىڭ ءباسپاسوز حاتشىسى رۋسلان جەلدىباي مەملەكەت باسشىسىنىڭ تاپسىرماسىمەن ەكىباستۇز قالاسىندا شىعارماشىلىق ءۇيىنىڭ قۇرىلىسى باستالاتىنىن مالىمدەدى.

«كەشە پرەزيدەنتتىڭ ەكىباستۇز تۇرعىندارىمەن كەزدەسۋىندە قالا تۇرعىندارى اتىنان كوپبالالى انا ايانا سماعۇلوۆا بالالارعا ارنالعان شىعارماشىلىق ءۇيىن سالۋ تۋرالى ءوتىنىشىن ايتتى.

مەملەكەت باسشىسىنىڭ تاپسىرماسى بويىنشا وسكەلەڭ ۇرپاقتىڭ شىعارماشىلىق جانە ينتەللەكتۋالدى قابىلەتتەرىن دامىتۋعا ارنالعان الەۋمەتتىك نىساندى سالۋ جونىندە شەشىم قابىلداندى. نىساندى قارجىلاندىرۋ كوزى تابىلدى. شىعارماشىلىق ءۇيى دەمەۋشىلەردىڭ ەسەبىنەن سالىنادى.

وبلىس اكىمدىگىنە جوبانىڭ جۇزەگە اسىرىلۋىن قاداعالاۋ تاپسىرىلدى»، - دەپ جازدى رۋسلان جەلدىباي الەۋمەتتىك جەلىدەگى پاراقشاسىنا.

ايتا كەتەيىك، كەشە ۇگىن پاۆلودار وڭىرىنە جۇمىس ساپارىمەن ارنايى بارعان مەملەكەت باسشىسى قاسىم-جومارت توقاەۆ الدىمەن، ەكىباستۇز قالاسىنىڭ جىلۋ ەلەكتر ورتالىعىنداعى جوندەۋ جۇمىستارىمەن تانىسىپ، ودان كەيىن وبلىس تۇرعىندارىمەن، كرەاتيۆتى جاستارمەن اڭگىمەلەستى.

Abai.kz