مەملەكەت باسشىسى سەر سۋما چاكرابارتيدى قابىلدادى. 

كەزدەسۋ بارىسىندا پرەزيدەنت سەر سۋما چاكرابارتيگە ەكونوميكالىق دامۋ ماسەلەلەرى جونىندەگى شتاتتان تىس كەڭەسشى لاۋازىمىندا اتقارعان جەمىستى ەڭبەگى ءۇشىن العىس ايتتى.

قاسىم-جومارت توقاەۆ ونىڭ رەفورمالار جونىندەگى جوعارى كەڭەس اياسىندا ايتقان ۇسىنىستارى بىرقاتار باعدارلامالىق قۇجاتتاردا قولداۋ تاپقانىن اتاپ ءوتتى. مەملەكەت باسشىسى سونداي-اق سۋما چاكرابارتيدىڭ قازاقستاننىڭ ينۆەستيتسيالىق ساياساتىن جەتىلدىرۋگە قوسقان ۇلەسىنە وڭ باعا بەردى.

ءوز كەزەگىندە سۋما چاكرابارتي زور سەنىم ارتقانى ءۇشىن مەملەكەت باسشىسىنا ريزاشىلىعىن جەتكىزدى.

Abai.kz