ۆولوج باسقىنشىلىقتى "ۆارۆارلىق" دەپ سانايتىنىن جانە ودان شوشىناتىنىن مالىمدەدى. كاسىپكەر رەسەيدىڭ ارەكەتى ءۇشىن ء“وزىن دە جاۋاپتى سەزىنەدى”.
59 جاستاعى اركادي ۆولوج 2022 جىلدىڭ ماۋسىمىندا ەۋرووداقتىڭ سانكتسياسىنا ىلىككەن. ول ەو-نىڭ رەسمي جۋرنالىندا "رەسەي ۇكىمەتىن ماتەريالدىق جانە قارجىلىق جاعىنان قولدايتىن، ۋكراينانىڭ اۋماقتىق تۇتاستىعىنا، ەگەمەندىگى مەن تاۋەلسىزدىگىنە نۇقسان كەلتىرەتىن ارەكەتتەر نەمەسە ساياسات ءۇشىن جاۋاپ بەرەتىن كاسىپكەر" رەتىندە اتالعان.
ەو "ياندەكستى" ىزدەۋ تورابىندا مەملەكەتتىك باق-تى العا شىعارىپ، كرەملگە، رەسەي باسقىنشىلىعىنا قاتىستى سىنداردى وشىرۋگە جاۋاپتى كومپانيا دەپ اتاعان.
ۆولوج "مەدۋزا" باسىلىمىنا سوعىسقا بايلانىستى ۇستانىمى تۋرالى جازعان حاتىندا "ياندەكستى قۇرۋشىلار اشىق، پروگرەسسيۆتى، جاھاندىق ەكونوميكاعا ينتەگراتسيالانعان جاڭا رەسەيدى قۇرىپ جاتىرمىز دەپ ويلادى. الايدا ۋاقىت وتە رەسەيدىڭ جاھاندىق الەمنىڭ ءبىر بولىگى بولۋعا اسىقپايتىنى بەلگىلى بولدى. ال كومپانياعا قىسىم كۇشەيە ءتۇستى" دەپ جازعان. ونىڭ ايتۋىنشا، قازىر ول مۇنداي جاعدايدا "باسقاشا جۇمىس ىستەۋ مۇمكىن ەمەسىن" تۇسىنگەن.
وسىعان دەيىن "پروەكت" جوباسى زەرتتەۋىندە رەسەيدىڭ ۋكرايناعا باسقىنشىلىعىن اشىق قولداماعان رەسەيلىك ميللياردەرلەر رەسەي قورعانىس مينيسترلىگىمەن كەلىسىم-شارتقا قول قويىپ، پايدا تاۋىپ جاتقانىن جازعان. ولاردىڭ اراسىندا ۆولوج دا بار.
بۇعان دەيىن ۆولوج جەكە سايتىنداعى بيوگرافياسىندا ءوزىن "قازاقستاندا تۋعان يزرايلدىك كاسىپكەر" دەپ اتاعان. ول سايتىنداعى اقپاراتتا رەسەيدە بيزنەس جاساپ، سوندا تۇرعانى جايلى ەشتەڭە ايتپاعان.
ۆولوج 2022 جىلى سوعىسقا بايلانىستى سانكتسيالارعا ىلىنگەن سوڭ "ياندەكستەگى" بارلىق قىزمەتتەن كەتكەن. ايتۋىنشا، كەيىن ول ەلدەن كەتكەن رەسەيلىك ينجەنەرلەردى قولداي باستاعان.
قازىر ول يزرايلدە تۇرىپ جاتىر. كەي اقپاراتقا قاراعاندا، ول نەگىزگى كومپانيادان ءبولىنىپ شىققان "ياندەكستىڭ" حالىقارالىق سەرۆيسى ارقىلى بيزنەسپەن اينالىسايىن دەپ وتىر.
مامىردا "مەدۋزا" مەن The Bell باسىلىمدارى "ياندەكستى" ءبولۋ بويىنشا كەلىسىمگە پرەزيدەنت ۆلاديمير پۋتين كەلىسىم بەرگەنىن جازعان. كومپانيانى ميللياردەرلەر ۆلاديمير پوتانين، الەكسەي مورداشوۆ، ۆاگيت الەكپەروۆ جانە مەملەكەتتىك ۆتب بانكى بولىسكە تۇسىرەتىنى حابارلانعان. كەيىن باسىلىم كەلىسىمنىڭ بولمايتىنى تۋرالى جازعان.
Abai.kz
