مال دارىگەرلەرى ەندى ماشينە ماشاقاتىن كورمەيتىن شىعار. وبلىس ورتالىعىنداعى رەسپۋبليكا الاڭىندا، ءوڭىرىمىزدىڭ بارلىق ۆەتەرينارلىق پۋنكتتەرىنە «ازيا اۆتودان» شىققان سۋ جاڭا «نيۆا» اۆتوكولىكتەرى سالتاناتتى جاعدايدا تابىس ەتىلدى.

«اگروبيزنەس - 2020» باعدارلاماسىنىڭ اياسىندا اتقارىلىپ جاتقان بۇل شارانىڭ شىنىمەن دە اۋىل شارۋاشىلىعى ءۇشىن بەرەرى مول. كولىك كىلتتەرىن  سالتاناتتى جاعدايدا تاپسىرۋ راسىمىنە وبلىس اكىمىنىڭ ورىنباسارى ۆلاديمير كوشەلەۆ قاتىستى. ونىڭ ايتۋىنشا، بۇگىنگى اۋىل شارۋاشىلىعى سالاسىن ۆەتەرينارلىق قىزمەتسىز كوزگە ەلەستەتۋ مۇمكىن ەمەس.

- ۆەتەرينارلىق قىزمەتتى دامىتا وتىرىپ، ءبىز وڭىرىمىزدەگى ازىق-تۇلىك قاۋىپسىزدىگىن  قامتاماسىز ەتەمىز. اۋرۋ-سىرقاۋسىز مال وسىرەتىن وڭىرلەر ساپالى ەت پەن ءسۇت وندىرەتىنى انىق. سول سەبەپتەن دە ۆەتەرينارلىق قىزمەت ەشكىمگە جالىنباي ءوز كولىگىمەن، ءوز تەحنيكاسىمەن جەدەل قىزمەت ەتۋى كەرەك، - دەدى وبلىس باسشىسىنىڭ ورىنباسارى.

 وسكەمەننىڭ ورتالىق الاڭىنا ارەڭ سىيعان 221 كولىكتىڭ ىشىندە ۆەتەرينارلار جۇمىسىنا اۋاداي قاجەت قۇرىلعىلار ورناتىلعان ەكەن. اسىل تۇقىمدى مالدىڭ ۇرىعى ساقتالاتىن ورىن، دەزينفەكتسيالىق سەپكىشتەر، تاعى باسقا ارنايى حيرۋرگيالىق اسپاپتار كولىك ىشىندە دايىن تۇر.  

مال دارىگەرلەرى ەندى ماشينە ماشاقاتىن كورمەيتىن شىعار. وبلىس ورتالىعىنداعى رەسپۋبليكا الاڭىندا، ءوڭىرىمىزدىڭ بارلىق ۆەتەرينارلىق پۋنكتتەرىنە «ازيا اۆتودان» شىققان سۋ جاڭا «نيۆا» اۆتوكولىكتەرى سالتاناتتى جاعدايدا تابىس ەتىلدى.

«اگروبيزنەس - 2020» باعدارلاماسىنىڭ اياسىندا اتقارىلىپ جاتقان بۇل شارانىڭ شىنىمەن دە اۋىل شارۋاشىلىعى ءۇشىن بەرەرى مول. كولىك كىلتتەرىن  سالتاناتتى جاعدايدا تاپسىرۋ راسىمىنە وبلىس اكىمىنىڭ ورىنباسارى ۆلاديمير كوشەلەۆ قاتىستى. ونىڭ ايتۋىنشا، بۇگىنگى اۋىل شارۋاشىلىعى سالاسىن ۆەتەرينارلىق قىزمەتسىز كوزگە ەلەستەتۋ مۇمكىن ەمەس.

- ۆەتەرينارلىق قىزمەتتى دامىتا وتىرىپ، ءبىز وڭىرىمىزدەگى ازىق-تۇلىك قاۋىپسىزدىگىن  قامتاماسىز ەتەمىز. اۋرۋ-سىرقاۋسىز مال وسىرەتىن وڭىرلەر ساپالى ەت پەن ءسۇت وندىرەتىنى انىق. سول سەبەپتەن دە ۆەتەرينارلىق قىزمەت ەشكىمگە جالىنباي ءوز كولىگىمەن، ءوز تەحنيكاسىمەن جەدەل قىزمەت ەتۋى كەرەك، - دەدى وبلىس باسشىسىنىڭ ورىنباسارى.

 وسكەمەننىڭ ورتالىق الاڭىنا ارەڭ سىيعان 221 كولىكتىڭ ىشىندە ۆەتەرينارلار جۇمىسىنا اۋاداي قاجەت قۇرىلعىلار ورناتىلعان ەكەن. اسىل تۇقىمدى مالدىڭ ۇرىعى ساقتالاتىن ورىن، دەزينفەكتسيالىق سەپكىشتەر، تاعى باسقا ارنايى حيرۋرگيالىق اسپاپتار كولىك ىشىندە دايىن تۇر.  

وبلىستىق اۋىل شارۋاشىلىعى باسقارماسىنىڭ باستىعى دۇيسەمباي سەليحانوۆ جاڭا كولىكتەرمەن قامتاماسىز ەتىلگەن وبلىسىمىزداعى ۆەتەرينارلىق قىزمەتتىڭ بۇدان بىلاي ساپاسى تىپتەن ارتا تۇسەتىنىن ايتتى. «سەبەبى جاز ايلارىندا اۋىلداعى مال اتاۋلى الىس جايلاۋلاردا، تاۋلى، قىراتتى جەرلەردە ورنالاسادى. وعان جەتۋ ءۇشىن ارنايى كولىك قاجەت. ۇسىنىلىپ جاتقان «نيۆالار» مال دارىگەرلەرى ءۇشىن تاپتىرماس تەحنيكا» دەيدى ول.

تەمىر تۇلپارلارعا يە بولىپ جاتقان اۋىل شارۋاشىلىعى ماماندارىنىڭ قۋانىشىندا شەك جوق. بەسقاراعاي اۋدانىنداعى مال دارىگەرلىك قىزمەتكە باسشىلىق ەتەتىن مامان كەنجەعالي يپانوۆتىڭ ايتۋىنشا، بۇل - ەلىمىز تاۋەلسىزدىك العاننان بەرى مال دارىگەرلەرىنە جاسالىپ تۇرعان ەڭ ءبىر يگى ءىس.

  كولىكتى ەڭ كوپ العان ءوڭىر ءۇرجار اۋدانى – 26 اۆتوموبيل. بۇل اۋداندا ورىن العان اۋسىل اۋرۋىمەن بايلانىستى ەكەنى بەلگىلى. ەستەرىڭىزگە سالا كەتەيىك، ءۇرجاردىڭ اقشوقى اۋىلدىق وكرۋگىندە مامىر ايىنىڭ ورتاسىندا 1373 باس ءىرى قارا اۋسىل اۋرۋىنىڭ تىرناعىنا ءىلىنىپ، جەرگىلىكتى ۆەتەرينارلاردىڭ جەدەل قىزمەتىنىڭ ارقاسىندا جاعداي جونگە كەلگەن بولاتىن. سونىمەن قاتار، بۇل اۋداندا اۋىلدىق وكرۋگتەردىڭ سانى كوپ، اعىمداعى جىلى اۋداندا جاڭا 27 ۆەتەرينارلىق قىزمەت ىسكە كىرىستى. ودان باسقا اۋداندارعا: اباي، بەسقاراعاي، زايسان اۋداندارى – 8, اياگوز اۋدانى – 22, بورودۋليحا اۋدانى – 16, گلۋبوكوە اۋدانى – 13, جارما اۋدانى – 20, زىريان، كاتونقاراعاي اۋداندارى – 11, كوكپەكتى، ۇلان اۋداندارى – 14, كۇرشىم – 10, تارباعاتاي – 17, شەمونايحا اۋدانى – 9 كولىككە يە بولدى.

Abai.kz