«ءادىل ءسوز» ءسوز بوستاندىعىن قورعاۋ حالىقارالىق قورى جۋرناليست ساندۋعاش دۇيسەنوۆاعا قاتىستى جاعدايعا بايلانىستى قازاقستان رەسپۋبليكاسىنىڭ پرەزيدەنتى قاسىم-جومارت توقاەۆقا اشىق حات جولدادى.

100-دەن استام بەلسەندى، جۋرناليست، قوعام قايراتكەرلەرى قول قويعان اشىق حات جولداۋشىلار پرەزيدەنت قاسىم-جومارت توقاەۆتان باس پروكۋراتۋراعا، جوعارعى سوتقا جانە ىشكى ىستەر مينيسترلىگىنە قاتىستى ءۇش ءتۇرلى تالاپ قويىپ وتىر.

باس پروكۋراتۋرا – ​​قىلمىستىق ءىس قوزعاۋدىڭ زاڭدىلىعىن تەكسەرۋ جانە نەگىز بولماعان جاعدايدا سوتقا دەيىنگى تەرگەپ-تەكسەرۋدى دەرەۋ توقتاتۋدى تالاپ ەتۋ. ءجۋرناليستتى جەكە ءتىنتۋدىڭ قانداي نەگىزى بارىن، سونداي-اق وسك قوسىلعان كامەرانىڭ استىندا تولىق ەكسپوزيتسيامەن جەكە ءتىنتۋ جۇرگىزۋ ءتارتىبىن تەكسەرۋ. بۇزۋشىلىقتار انىقتالعان جاعدايدا كىنالى لاۋازىمدى تۇلعالارعا قاتىستى قاجەتتى پروتسەسسۋالدىق شەشىم قابىلدانسىن.

جوعارعى سوت – تەرگەۋ سۋدياسىنىڭ جۋرناليستكە جەكە ءتىنتۋ جۇرگىزۋ تۋرالى شەشىمىنىڭ زاڭدىلىعىن تەكسەرۋ. زاڭسىزدىعى انىقتالعان جاعدايدا كۇشىن جويىپ، تەرگەۋ سۋدياسىنا تارتىپتىك شارا قولدانۋ.

ىشكى ىستەر مينيسترلىگى – جۋرناليستكە قاتىستى قىلمىستىق ءىس قوزعاۋعا جانە جەكە تىنتۋگە قاتىسقان لاۋازىمدى تۇلعالارعا قاتىستى قىزمەتتىك تەرگەۋ تاعايىنداسىن. زاڭدى بۇزعان جاعدايدا كىنالىلەردى قاتاڭ تارتىپتىك جاۋاپكەرشىلىككە تارتۋ، ال ەگەر قىزمەتتىك قۇقىق بۇزۋشىلىق بەلگىلەرى بايقالسا، سوتقا دەيىنگى تەرگەپ-تەكسەرۋدى باستاسىن.

ەستەرىڭىزگە سالا كەتەيىك، 11 تامىز كۇنى جەتىسۋلىق جۋرناليست ساندۋعاش دۇيسەنوۆانى پوليتسەيلەر تىر جالاڭاش شەشىندىرىپ، ءتىنتۋ جۇرگىزىپ، ونى ۆيدەوعا ءتۇسىرىپ العاندىعى بەلگىلى بولدى.

Abai.kz