Picodi سەرۆيسىنىڭ تالداۋشىلارى 105 ەلدەگى ستاتيستيكالىق دەرەكتەردى ساراپتاپ، الەمنىڭ ءتۇرلى مەملەكەتتەرىندە تۇرعىندار ازىق-تۇلىككە قانشا اقشا جۇمسايتىنىن ەسەپتەدى، دەپ حابارلايدى Ulysmedia.kz.

قازاقستان بۇل رەيتينگتە 99-شى ورىندا – تۇرعىندار تۇتىنۋ تاۋارلارى مەن قىزمەتتەرىنە جۇمسالاتىن شىعىندارىنىڭ 49,4%-ىنا ازىق-تۇلىك پەن الكوگولسىز سۋسىندار الادى.

ەلىمىزدىڭ ورتاشا تۇرعىنىنىڭ تاماقتانۋ شىعىندارى ايىنا 213 دوللاردى قۇرايدى.

وزبەكستان (46,5%) جانە انگولانىڭ (49,7%) كورسەتكىشتەرى قازاقستان ستاتيستيكاسىنا جاقىن.

قاراستىرىلعان ەلدەردىڭ ىشىندە نيگەريا (59%), ميانما(56,6%) جانە كەنيا(56,1%) تۇرعىندارىنىڭ ازىق-تۇلىك شىعىندارى جوعارى كورسەتكىشكە يە.

ۇيدە تۇتىنىلاتىن تاماق پەن الكوگولسىز سۋسىندار بارلىق شىعىنداردىڭ ورتا ەسەپپەن 1/10 بولىگىن قۇرايتىن ەلدەرگە مىنالار جاتادى: اقش — 6,7%، سينگاپۋر — 8,4%، ۇلىبريتانيا — 8,7%، يرلانديا — 9,2%، شۆەيتساريا — 9,9%.

ءازىربايجاندا (ايىنا 102 دوللار), بەلارۋسسيادا (ايىنا 98 دوللار) جانە مولدوۆادا (ايىنا 97 دوللار) حالىقتىڭ ازىق-تۇلىككە جۇمسايتىن شىعىندارى ايتارلىقتاي تومەن.

ەۋروپا ەلدەرىنىڭ ىشىندە ازىق-تۇلىككە ەڭ جوعارى شىعىندار شۆەيتساريادا (ايىنا 359 دوللار), نورۆەگيادا (ايىنا 341 دوللار) جانە دانيادا (ايىنا 311 دوللار) بايقالادى، بۇل وسى ەلدەردەگى قىمباتشىلىققا بايلانىستى.

ايتا كەتەيىك، قازاقستان ينفلياتسيا دەڭگەيى جونىنەن ەاەو ەلدەرىنەن الدا تۇر. مامىر ايىنىڭ قورىتىندىسى بويىنشا قازاقستاندا باعانىڭ جىلدىق ءوسۋى 14,6 پايىزدى قۇرادى.  ال قىرعىزستاندا نەبارى 10,5 پايىز.

بۇدان بۇرىن ەۋرازيالىق ەكونوميكالىق كوميسسيا قازاقستانداعى ينفلياتسيانى تومەندەتۋ جولدارىن ۇسىنعان.

فوتو: اشىق دەرەككوزدەن

Abai.kz