ۇلتتىق قاۋىپسىزدىك كوميتەتى قازاقستان مەن قىرعىزستان مەملەكەتتىك شەكاراسىنداعى جاعدايدى ءتۇسىندىردى، دەپ حابارلايدى Ulysmedia.kz.

قر ۇقك مالىمەتىنشە، قازىر شەكارا قىزمەتى شەكارا ايماعىندا، سونىمەن قاتار شەكارالىق وتكىزۋ پۋنكتىلەرىندە زاڭسىز ءىس-ارەكەتكە قارسى ءىس-قيمىل بويىنشا شارالار كەشەنىن ىسكە اسىرىپ جاتىر.

«سونىمەن بىرگە، قانداي دا ءبىر شەكتەۋلەر ەنگىزىلمەدى. وتكىزۋ پۋنكتەرى، ونىڭ ىشىندە قازاق-قىرعىز شەكارا ۋچاسكەسى شتاتتىق رەجيمدە جۇمىس ىستەپ تۇر. تەكسەرۋ ۋاقىتىنىڭ رەگلامەنت نورماتيۆتەرى قاتاڭ ساقتالۋدا جانە اۆتوكولىك قۇرالدارىن وتكىزۋ دەڭگەيى قازىرگى ماۋسىمعا ءتان كۇندەلىكتى كورسەتكىشتەر اياسىندا» دەپ ءمالىم ەتتى ۆەدومستۆودان.

بىرنەشە كۇننەن بەرى قازاق-قىرعىز شەكاراسىندا جۇك كولىكتەرى قاڭتارىلىپ تۇر. بۇگىندە ولاردىڭ سانى 500-دەن اسىپ جىعىلعانى حابارلاندى. جۇرگىزۋشىلەر جۇك كولىكتەرىنىڭ قازاقستانعا كىرگىزىلمەۋ سەبەبىنە قاتىستى ءتۇرلى نۇسقا ايتادى. ولاردىڭ ءبىرى بويىنشا، بۇل قىرعىزستاننىڭ قازاقستانعا سۋارمالى سۋ جەتكىزۋدى توقتاتۋىنا بايلانىستى. ەكىنشى نۇسقا – قازاقستاندىق شەكاراشىلار ەسىرتكى تيەلگەن وزبەكستاندىق جۇك كولىگىن ىزدەپ جاتىر دەگەن بولجام بار.

Abai.kz