«ارسەلورميتالل تەمىرتاۋ» كومپانياسىنىڭ ءباسپاسوز قىزمەتى ءمالىم ەتكەندەي، ءورت 27 تامىز كۇنى ساعات 01:55-تە ورىن العان.

«تەز ارادا اپاتتى جويۋ جوسپارى ەنگىزىلدى. ءورت تجقب بولىمشەسىنىڭ كۇشىمەن جويىلدى. بارلىق جۇمىسشىلار جەر بەتىنە شىعارىلدى. زارداپ شەككەندەر جوق، سەبەپتەرى مەن ءمان-جايى انىقتالۋدا»، - دەدى كومپانيا وكىلدەرى.

ال، تۇرعىندار الەۋمەتتىك جەلىدە تۇندە شاحتا جاقتان گۋىل مەن سيرەنا ەستىلگەنىن جازىپ جاتىر.

ەسكە سالايىق، 17 تامىزدا «ارسەلورميتتال تەمىرتاۋ» كومپانياسىنا قاراستى «قازاقستان» شاحتاسىندا ءورت شىققان بولاتىن. توتەنشە وقيعا كەزىندە وندا 227 ادام بولعان.

كەيىن 222 ادام جەر بەتىنە شىعارىلدى. 19 تامىزدا قازا تاپقان بەس كەنشىنىڭ دەنەسى تابىلدى. شاحتاداعى ءورت جالعاسىپ، جالىن كومىر قاباتتارىنا تاراعان.