قر دەنساۋلىق ساقتاۋ ءمينيسترى اجار عينيات اقمولا وبلىسىندا اۋرۋحاناعا جاتقىزىلعان 40-تان استام ساربازدىڭ جاعدايىن ايتتى.

ونىڭ ايتۋىنشا، 41 سارباز اۋرۋحانادا، بىرەۋى جانساقتاۋ بولىمىندە جاتىر، بۇگىن بەتى بەتى قايتا باستاعان.

«مەنينگوكوكك ينفەكتسياسى تىركەلگەن، كەيبىرىندە ەنتەروۆيرۋس بار. قازىر ماۋسىمدىق ميسكينفەكتسيا ءجۇرىپ جاتىر. شاماسى، بىرەۋ اۋىرىپ، باسقالارعا جۇقتىرعان شىعار. ناۋقاستارمەن بايلانىستا بولعان، اۋرۋ بەلگىلەرى بار بارلىق ادام وقشاۋلاندى. بوتەن كىسى كىرگىزىلمەيدى. اۋىر جاعدايلار جوق»، - دەدى دەنساۋلىق ساقتاۋ مينيسترلىگىنىڭ باسشىسى قر ۇكىمەتىنىڭ وتىرىسىندا.

ايتا كەتەيىك، كوكشەتاۋداعى 5510 اسكەري بولىمشەنىڭ 40-تان استام اسكەري قىزمەتشىسى جرۆي (جەدەل رەسپيراتورلى ۆيرۋستى ينفەكتسيا) بەلگىلەرىمەن جۇقپالى اۋرۋلار ورتالىعىنا جاتقىزىلدى.

ولارمەن بايلانىستا بولعان 5 ادامنان مينينگوكتىق ينفەكتسيا، 4 ەنتەروۆيرۋستىق ينفەكتسيا انىقتالدى.

كوكشەتاۋ قالالىق كوپسالالى اۋرۋحاناسى باسشىلىعىنىڭ مالىمەتىنشە، جۇقپالى اۋرۋلار ورتالىعىنا 47 مەرزىمدى اسكەري قىزمەتشى جاتقىزىلعان.

ناۋقاستار 23 تامىزدان جەتكىزىلە باستاعان.

Abai.kz