قىتايدىڭ «ستاندارتتى كارتالاردىڭ كارتوگرافيالىق قىزمەتى» مەملەكەتتىك سايتى 2023 جىلعا ارنالعان رەسمي بەكىتىلگەن گەوگرافيالىق كارتالاردىڭ جاڭا جيناعىن شىعاردى. وندا رەسەي اۋماقتارىنىڭ ءبىر بولىگى قىتايدىڭ بولىگى رەتىندە بەلگىلەنگەن. بۇل تۋرالى ربك  جازىپتى. 

قىتاي مەن رەسەي (سسسر — رەد.) 1964 جىلدان بەرى امۋرداعى ۇلكەن ۋسسۋري ارالىنا تالاسىپ كەلەدى. 2008 جىلى ەكى ەل كەلىسىم جاساسىپ، ارال ەكىگە بولىنگەن ەدى.

جاڭا كارتادا بۇل ايماق ەلدىڭ شىعىس جاعىنداعى ەڭ شەتكى نۇكتە رەتىندە كورسەتىلگەن.

«تيپتىك كارتا قىتاي مەن باسقا دا ەلدەردىڭ شەكاراسىن جوبالاۋدىڭ ۇلتتىق ستاندارتتارىنا سايكەس جاسالعان. جاڭا رەسمي كارتالار جيناعى جاڭالىقتاردا، كىتاپتاردا، جارنامالىق ماتەريالداردا يلليۋستراتسيا رەتىندە پايدالانۋعا ارنالعان. ولاردى انىقتامالىق كارتا رەتىندە دە پايدالانۋعا بولادى»،— دەلىنگەن حابارلامادا.

Abai.kz