بۇعان دەيىن جيىنعا ۇكىمەت قۇرامى تولىق قاتىساتىن، مينيسترلەردىڭ ءوزى نەمەسە ولاردىڭ ورىنباسارلارى كەلەتىن. ال ۇكىمەت وتىرىسىنان كەيىن جۋرناليستەر مينيسترلەرگە سۇراق قويىپ، قاجەت جاۋاپ الا الاتىن. ەندى ونداي مۇمكىندىكتەن ايرىلعان كەي جۋرناليستەر جاڭا تارتىپكە نارازىلىعىن ءبىلدىردى. ۇكىمەتتىڭ ءباپاسوز قىزمەتى ولارعا "قۇقىقتارىڭىز شەكتەلگەن جوق، سۇراق قويا الاسىزدار" دەدى.
بۇگىن ۇكىمەت وتىرىسىنا قاتىسقان قارجى ءمينيسترى ەرۇلان جاماۋباەۆ جۋرناليستەر سۇراعىنا جاۋاپ بەرۋگە شىقپادى. جيىنعا كەلگەن تىلشىلەر ءمينيستردى كۇتكەنىمەن، ول باسقا ەسىكتەن شىعىپ كەتكەنىن كەيىن ءبىر-اق ءبىلدى.
مادەنيەت جانە اقپارات ءمينيسترى ايدا بالاەۆا جاڭا شەشىمدى قۇپتادى. ول Facebook-تەگى پاراقشاسىنا: «مينيسترلەر اي سايىن سالانىڭ وزەكتى ماسەلەلەرى بويىنشا جۋرناليستەرگە ارنالعان بريفينگ وتكىزەدى. بۇل پروتسەدۋرا بارلىق باق وكىلدەرىنىڭ اقپاراتقا قول جەتكىزۋىن قامتاماسىز ەتەتىنىنە سەنىمدىمىن» دەپ جازدى.
