قىتاي ەلشىسى كابۋلدا وتكەن رەسمي كەزدەسۋدە "تاليباننىڭ" پرەمەر-مينيسترىنە سەنىم گراموتاسىن تاپسىردى. دەگەنمەن بۇل قىتايدىڭ ءتالىپ ۇكىمەتىن رەسمي مويىندادى دەگەندى بىلدىرەدى مە، ازىرگە بەلگىسىز.
"بۇل قالىپتى جاعداي. قىتاي ەلشىسىن تاعايىنداۋ ەكى ەلدىڭ ديالوگىن جانە قارىم-قاتىناسىن دامىتۋعا باعىتتالعان. قىتايدىڭ اۋعانستانعا دەگەن ساياسي قاتىناسى انىق ءارى دايەكتى", - دەپ مالىمدەدى قىتايدىڭ سىرتقى ىستەر مينيسترلىگى.
2021 جىلدىڭ تامىز ايىندا "تاليبان" قوزعالىسى اۋعانستاندى باسىپ العالى بەرى، بىردە ءبىر مەملەكەت ونىڭ بيلىگىن مويىنداعان ەمەس.
"تاليبان" قوزعالىسى كوپتەگەن ەلدەردە تەرروريستىك دەپ تانىلعان.
