«ديكي ارمان» اتىمەن تانىمال ارماننىڭ ءىسى: جابىرلەنۋشىلەر سوتتالۋشى تاراپىنان ءوز ومىرىنە جانە وتباسىلارىنىڭ قاۋىپسىزدىگىنە قاۋىپ ءتونىپ تۇرعانىن مالىمدەدى.

بۇگىن الماتىدا ارمان جۇماگەلديەۆتىڭ (ديكي ارمان) ىسىنە قاتىستى تىڭداۋ جالعاسۋدا.

بىرقاتار جابىرلەنۋشىلەردەن، كەيبىر ايىپتالۋشىلاردان جانە ولاردىڭ ادۆوكاتتارىنان، سونداي-اق كۋاگەرلەردەن جابىق رەجيمدە سوت وتىرىستارىن وتكىزۋ تۋرالى وتىنىشتەر كەلىپ ءتۇستى. ولار سوتتالۋشىلار تاراپىنان ءوز ومىرلەرى مەن وتباسىلارىنىڭ قاۋىپسىزدىگىنە ناقتى قاۋىپ تونەتىنىن مالىمدەدى.

ايىپتالۋشىلار اراسىندا قر قك 362 (بيلىكتى نەمەسە لاۋازىمدىق وكىلەتتىكتەردى اسىرا پايدالانۋ), 262 (ۇيىمداسقان توپتى، قىلمىستىق ۇيىم قۇرۋ جانە ولارعا باسشىلىق ەتۋ، سول سياقتى ولارعا قاتىسۋ), 272 (جاپپاي تارتىپسىزدىك), 191 (توناۋ), 126 ( باس بوستاندىعىنان زاڭسىز ايىرۋ), 268 (بانديتيزم) باپتارى بويىنشا 45 ادام بار

بۇعان دەيىن ءىىم-دە ارمان جۇماگەلديەۆتىڭ 2021 جىلى جەلتوقسان ايىندا شەتەلدەن كەلگەنى جانە قاڭتار وقيعاسى كەزىندە الماتىدا بولعاندىعى تۋرالى حابارلانعان بولاتىن. ول بەس ادامنان تۇراتىن قىلمىستىق توپپەن 2022 جىلى 7 قاڭتاردا ارنايى وپەراتسيا كەزىندە ۇستالدى. سودان كەيىن كۇدىكتىلەردەن ءارتۇرلى ماركالى قارۋ-جاراق، سونداي-اق ولارعا وق-دارىلەر، سۋىق قارۋ-جاراق جانە بروندالعان كولىك تاركىلەندى.

باس پروكۋراتۋرا جۇماگەلديەۆتىڭ قارۋلى ادامدارى كەزدەيسوق ءوتىپ بارا جاتقان 24 بەيبىت تۇرعىندى ۇرلاپ، كۇشتەپ ۇستاعانىن مالىمدەدى.

Abai.kz