سارسەنبى, 24 شىلدە 2024
1040 0 پىكىر 18 قىركۇيەك, 2023 ساعات 14:08

Kaspi Bank بولىمشەسىن باسىپ العان كۇدىكتى 7 جارىم جىلعا سوتتالدى

Kaspi Bank بولىمشەسىنىڭ قىزمەتكەرلەرىن كەپىلگە الىپ، اقشا اۋدارۋدى تالاپ ەتكەن استانالىق ءاليحان مۋرادوۆ 7 جىل 6 ايعا باس بوستاندىعىنان ايىرىلدى، دەپ حابارلايدى قازاقپارات .

ۇكىمدى استانا قالاسى قىلمىستىق ىستەر بويىنشا اۋدانارالىق سوتى شىعاردى.

«ءاليحان مۇرادوۆتى قىلمىستىق كودەكستىڭ 261-باپ، 2-ءبولىم، 4 جانە 8, 9-تارماقتارى بويىنشا (4 جانە 8-تارماقتار قارۋدى نەمەسە زاتتاردى قولدانا وتىرىپ، ەكى جانە ودان دا كوپ ادامدى كەپىلگە الۋ) كىنالى دەپ تانىلىپ، 7 جىل 6 ايعا باس بوستاندىعىنان ايىرۋ جازاسى تاعايىندالسىن»، - دەدى سۋديا ءابينۇر قاراباەۆ.
سوت شەشىمىمەن ايىپتىنى قاماۋدا ۇستاۋ ۋاقىتى ياعني 2023 جىلعى 18 ماۋسىمنان باستاپ ۇكىم زاڭدى كۇشىنە ەنگەنگە دەيىن ورتاشا قاۋىپسىزدىك قىلمىستىق-اتقارۋ جۇيەسى مەكەمەسىندە باس بوستاندىعىنان ايىرۋ تۇرىندەگى جازانى وتەگەن 1,5 كۇن ءۇشىن قاماۋدا ۇستاۋدىڭ 1 كۇنى ەسەبىنەن جازا مەرزىمىنە ەسەپتەلەدى. جازانى وتەۋ مەرزىمى ۇكىم زاڭدى كۇشىنە ەنگەن كۇننەن باستالادى.

سونداي-اق، ءاليحان مۋرادوۆ باق وكىلدەرىنىڭ سوت ۇكىمىمەن كەلىسەسىز بە، اپپەلياتسيالىق شاعىم تۇسىرەسىز بە دەگەن ساۋالعا «جوق» دەپ جاۋاپ بەردى.
بۇعان دەيىن حابارلاعانىمىزداي پروكۋرور Kaspi Bank-ءتىڭ بولىمشەسىنە شابۋىلداعان جىگىتكە 8 جىل جازا سۇرادى.

ەسكە سالا كەتسەك، بيىل 18 ماۋسىمدا قارۋلانعان ەر ادام ەلورداداعى Kaspi بانك عيماراتىندا بىرنەشە كىسىنى تۇتقىندا ۇستاپ وتىردى.

اراعا ۋاقىت سالىپ اتالعان بانكتىڭ ءباسپاسوز قىزمەتى عيماراتتا كليەنتتەردىڭ جوقتىعىن جانە پوليتسيا قىزمەتكەرلەرىنىڭ كۇدىكتىمەن كەلىسسوز جۇرگىزىپ جاتقانىن مالىمدەدى.

وقيعا ورنىنا ىشكى ىستەر ءمينيسترى مارات احمەتجانوۆ باردى.

پوليتسيا قىزمەتكەرلەرى كەپىلدەگى ازاماتتاردى بوساتىپ الدى.

23 تامىزدا Kaspi Bank عيماراتىنا جاسالعان شابۋىل بويىنشا قىلمىستىق ءىس سوتقا جەتكەنىن حابارلاعان ەدىك.

ايتا كەتسەك، 29 تامىزدا وتكەن العاشقى سوت وتىرىسىندا Kaspi Bank عيماراتىن باسىپ العان جىگىت ونىڭ الدىندا ءوزىن ءولتىرۋ ءۇشىن ءدارى ىشكەنى بەلگىلى بولدى.

ودان بولەك، Kaspi بانك قىزمەتكەرى عيماراتقا شابۋىلداۋ وقيعاسىن باستان-اياق ايتىپ بەرگەن ەدى.

سونداي-اق، سوت بارىسىندا Kaspi Bank-ءتىڭ بولىمشەسىنە شابۋىل جاساعان كۇدىكتى ىشكى ىستەر مينيسترىمەن كەلىسسوزدىڭ قالاي جۇرگەنىن ايتىپ بەردى.

فوتو: اشىق دەرەككوزدەن

Abai.kz

0 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1400
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 2196
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 2217