جۇما, 19 شىلدە 2024
1147 3 پىكىر 18 قىركۇيەك, 2023 ساعات 15:17

ريددەردەگى جالعىز قازاق مەكتەبى جابىلدى

فوتو: facebook.com

شىعىس قازاقستان وبلىسىنداعى ريددەر قالاسىندا جالعىز قازاق مەكتەبى جابىلدى. بۇل تۋرالى «ازاتتىق راديوسى» حابارلادى.  باسىلىمنىڭ جازۋىنشا، قالالىق ءبىلىم بەرۋ باسقارماسى مەكتەپ عيماراتىنىڭ توزىعى جەتىپ، شاتىرىنىڭ كەز كەلگەن ۋاقىتتا وپىرىلىپ قالۋى مۇمكىن ەكەنىن ەسكەرىپ، مەكتەپتى جاۋىپ تاستاعان. ال جاڭا قازاق مەكتەبىنىڭ عيماراتىن سالۋعا ازىرشە قالا بيۋدجەتىندە قارجى بولماي تۇر.

"شىعىس قازاقستان وبلىسىنىڭ ءبىلىم باسقارماسى عيماراتقا ساراپتاما جۇرگىزدى. بيىل مەكتەپ وقۋشىلارىنىڭ اتا-انالارى دابىل قاعىپ، ءبىلىم وشاعىن قاۋىپتى دەپ جاريالاۋدى تالاپ ەتكەن ەدى. جەرگىلىكتى تۇرعىندار دا عيماراتتىڭ توزىعى جەتكەنىن، شاتىردىڭ كەز كەلگەن ۋاقىتتا وپىرىلىپ قالۋى مۇمكىن ەكەنىن ايتتى. سودان كەيىن اتا-انالاردىڭ ءوتىنىشى بويىنشا ءبىلىم باسقارماسى عيماراتقا ساراپتاما جۇرگىزىپ، «مەكتەپ اپاتتى جاعدايدا ەمەس» دەگەن ساراپتامالىق قورىتىندى شىعاردى. دەگەنمەن عيماراتتىڭ ىرگەتاسى مەن جىلۋ جۇيەسىنە كۇردەلى جوندەۋ قاجەت. سوندىقتان بالالاردى ۋاقىتشا كوشىرۋ تۋرالى شەشىم قابىلداندى. قازىر №11 مەكتەپتە ءبىلىم الىپ جاتىر", – دەدى شقو ءبىلىم باسقارماسىنىڭ باسشىسى ينەسسا چەرنىشەۆا.

ونىڭ ايتۋىنشا، «كومفورت مەكتەبى» باعدارلاماسى بويىنشا قالادا جاڭا مەكتەپ سالىنعانشا «شاڭىراقتىڭ» وقۋشىلارى №11 مەكتەپتە ءبىلىم الادى. جوسپار بويىنشا ول 2024 جىلى پايدالانۋعا بەرىلۋگە ءتيىس. بىراق جاڭا مەكتەپتىڭ عيماراتىن پايدالانۋعا بەرۋ ودان كوپ ۋاقىتتى الۋى مۇمكىن.

قازىر قالادا 60 مىڭعا جۋىق ادام تۇرادى. حالىقتىڭ 80 پايىزى – ورىس حالقىنىڭ وكىلدەرى. سول سەبەپتى حالىقارالىق «قازاق ءتىلى» قوعامىنىڭ حاتشىسى قۇرالاي سالدىقوۆانىڭ ايتۋىنشا، ريددەردىڭ قازاقتارى وزدەرىن دياسپورا سانايدى.

قالادا 16 ورىس مەكتەبى جانە 4 ارالاس مەكتەپ بار.

ريددەر – شىعىس قازاقستان وبلىسىنداعى ەكىنشى ۇلكەن قالا. قالا حالقىن نەگىزىنەن «قازمىرىش» كومپانياسى جۇمىسپەن قامتىپ وتىر.

 

Abai.kz

3 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1281
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 2010
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 2068