بىراق ەشقانداي دالەلدى ماتەريالدار جاريالامادى.
مەكەمە مالىمەتىنشە، گرۋزيا ايماعىندا جانە وعان جاقىن ەلدى-مەكەندەردە اتاپ ايتقاندا قازان-جەلتوقسان ايلارىندا ازاماتتىق تارتىپسىزدىك ۇيىمداستىرۋ كوزدەلىپ جاتىر.
"ولار ەۋروكوميسسيانىڭ گرۋزيانىڭ ەو-عا كىرۋ دايىندىعى مەن بولاشاعى جايلى بايانداماسىن جاريالاۋ قارسىڭىندا وپەراتسيانى باستاماق. ۇيىمداستىرۋشىلار بايانداما جاعىمسىز بولادى دەپ ۇمىتتەنەدى. بيلىكتى "رەسەيشىل" دەپ اتاۋى مۇمكىن تەزيستەرى حالىقتى كوتەرۋگە نەگىز بولادى دەپ كۇتىپ وتىر", - دەلىنگەن مالىمدەمەدە.
بۇل نارازىلىقتىڭ اۆتورى رەتىندە گرۋزيانىڭ ىشكى ىستەر ءمينيسترىنىڭ ورىنباسارى بولعان گەورگي لورتكيپانيدزەنى اتاپ وتىر. ول قازىر ۋكراينانىڭ اسكەري بارلاۋ باستىعىنىڭ ورىنباسارى. ۇيىمداستىرۋشىلار اراسىندا گرۋزيانىڭ ەكس-پرەزيدەنتى ميحايل سااكاشۆيليدىڭ بۇرىنعى كۇزەتشىسى ميحايل ءباتۋريننىڭ دە اتى اتالادى.
ازىرگە گرۋزيا ارنايى قىزمەتىنىڭ بۇل مالىمدەمەسىنە قاتىستى ەشكىم جاۋاپ بەرمەدى.
گرۋزيا بيلىگى سونىمەن بىرگە بۇل ءىس-قيمىل باتىس ەلدەرىنىڭ قولداۋىمەن جۇزەگە اسپاق دەگەن.
سوڭعى 10 جىلدا گرۋزيانى رەسەيشىل "گرۋزين ارمانى" پارتياسى بيلەپ كەلەدى. بۇل ۋاقىت ارالىعىندا ەل بيلىگى وپپوزيتسيا ليدەرلەرىن قاماۋعا الىپ، ەكس-پرەزيدەنت ميحايل سااكاشۆيليدى دە تۇرمەگە قامادى. گرۋزياداعى بىرنەشە قارسىلىق اكتسيالارىن كۇشپەن باسىپ كەلدى.
Abai.kz
