سوڭعى ءۇش جىلدا قازاقستاندا تۋريزمگە 4 ملرد دوللار ينۆەستيتسيا قۇيىلدى، دەپ حابارلادى تۋريزم جانە سپورت مينيسترلىگىنىڭ ءباسپاسوز قىزمەتى.

ۆەدوسمستۆو مالىمەتىنشە، 2020-2022 جىلدارى وتاندىق تۋريزمگە 4 ملرد دوللار ينۆەستيتسيا تارتىلعان. مىسالى، بىلتىرعى ينۆەستيتسيا كولەمى – 513,3 ملرد تەڭگە.

سونداي-اق وتكەن جىلى ەلىمىزدە 400-دەن اسا تۋريستىك نىسان سالىندى. تۋريزم جانە سپورت ۆيتسە-ءمينيسترى ەرجان ەركىنباەۆ قازاقستان ءتۋريزمدى دامىتۋ ءۇشىن سالاعا جەكە كاپيتالدى بەلسەندى تارتىپ جاتقانىن اتاپ ءوتتى.

2022 جىلدان باستاپ مەملەكەتتىك قولداۋ شارالارىمەن تۋريزم وبەكتىلەرىن سالۋ، تاۋ شاڭعىسى كۋرورتتارىن دامىتۋ جانە تۋريستىك اۆتوبۋستار ساتىپ الۋ جونىندەگى جوبالار ىسكە قوسىلدى. سونداي-اق تۋروپەراتورلارعا شەتەلدىك تۋريستەردى تارتقانى ءۇشىن سۋبسيديالار بەرىلەتىن بولدى. ەل ىشىندە ساياحاتتايتىن قازاقستاندىقتار ءۇشىن بالالاردىڭ اۋە بيلەتى سۋبسيديالانادى، - دەدى ءمينيستردىڭ ورىنباسارى.

ءسوز سوڭىندا ول شەتەلدىك ينۆەستورلاردى تارتۋعا ەرەكشە كوڭىل بولىنەتىنىن ايتتى.

فوتو: اشىق دەرەككوزدەن

Abai.kz