بۇل كەلىسىم ەكى تاراپتىڭ ازاماتتارىنا قاتىستى كوشى-قون سالاسىندا اقپارات الماسۋدى كوزدەيدى. ماسەلەن، ەلگە كىرىپ-شىققاندار، ەلگە كىرۋ مەن وندا بولۋ ەرەجەسىن بۇزعاندار جانە ازاماتتىق العاندار تۋرالى مالىمەتتەرمەن الماسۋ مۇمكىندىگى پايدا بولادى.

قازاقستان پرەزيدەنتى قاسىم-جومارت توقاەۆ بۇل كەلىسىمگە بيىل 17 مامىردا قىتايعا بارعاندا قول قويعان.

"بۇل اقپارات ەلدەرگە قوس ازاماتتىقپەن كۇرەسۋ جانە زاڭسىز كوشى-قون ارنالارىنىڭ جولىن كەسۋ ءۇشىن قاجەت. كەلىسىم ەگەمەندىككە، قاۋىپسىزدىككە قاتەر تونگەن جاعدايدا جانە زاڭعا قايشى كەلگەن سۇراۋلاردى ورىنداۋدان باس تارتۋدى كوزدەيتىنىن ەسكەرتەمىن. قازىرگە دەيىن بەس مەملەكەتپەن (ازەربايجان، بەلارۋس، قىرعىزستان، تاجىكستان، وزبەكستان) وسىعان ۇقساس ەكىجاقتى كەلىسىمدەر جاسالدى", - دەدى زاڭ جوباسىن ماجىلىستە تانىستىرعان ىشكى ىستەر ءمينيسترى ەرجان سادەنوۆ.

قۇجات پارلامەنتتىڭ جوعارعى پالاتاسى – سەناتقا ءتۇستى. سەنات ماقۇلداسا، پرەزيدەنتكە قول قويۋعا جىبەرىلەدى.

بيىل مامىردا قازاقستان، قىرعىزستان مەن رەسەي پرەزيدەنتتەرى ەل ازاماتتارىنا قاتىستى اقپاراتتار الماسۋ تۋرالى كەلىسىمگە قول قويعان.