توقاەۆتىڭ ايتۋىنشا، بۇل شارتتى اقش بيلىگىنىڭ راتيفيكاتسيالاعانى – ماڭىزدى قادام. بۇعان دەيىن حاتتامانى قىتاي، رەسەي، فرانتسيا جانە ۇلىبريتانيا راتيفيكاتسيالاعان.

بۇل وا-نىڭ يادرولىق قارۋسىز مارتەبەسىن ينستيتۋتسيوناليزاتسيالاۋ پروتسەسىن اياقتاۋعا مۇمكىندىك بەرەدى. شارت يادرولىق قارۋسىزدانۋ مەن تاراتپاۋدى نىعايتۋ جونىندەگى حالىقارالىق كۇش-جىگەردىڭ ماڭىزدى كەزەڭى بولادى دەپ كۇتىلۋدە.

ورتالىق ازيا – سولتۇستىك جارتى شارداعى يادرولىق ارسەنالداردى ورنالاستىرۋعا تىيىم سالىنعان جالعىز ايماق.

بۇعان دەيىن قازاقستان پرەزيدەنتى نيۋ-يورككە ساپارى اياسىندا ورتالىق ازيا جانە امەريكا قۇراما شتاتتارى مەملەكەتتەرى باسشىلارىنىڭ سامميتىنە قاتىسقانى تۋرالى حابارلانعان بولاتىن.

ەكونوميكالىق ىنتىماقتاستىققا، سونداي-اق ماڭىزدى پايدالى قازبالاردى يگەرۋ، جاڭارتىلاتىن ەنەرگيا كوزدەرى، وڭدەۋ ونەركاسىبى جانە ت.ب. سياقتى سالالارداعى امەريكالىق كومپانيالاردىڭ مۇمكىندىكتەرىنە ەرەكشە نازار اۋدارىلدى.

پىكىرتالاس اياسىندا كيبەرقاۋىپسىزدىك، تەرروريزم، زورلىق-زومبىلىق ەكسترەميزمى، زاڭسىز كوشى-قون جانە ەسىرتكى ترافيگى سياقتى قاۋىپسىزدىك ماسەلەلەرىن شەشۋدە ىنتىماقتاستىقتى نىعايتۋ پەرسپەكتيۆالارى قوزعالدى.