لاتۆيا ورىس تىلىندە اقپارات تاراتۋدى توقتاتۋدى جوسپارلاپ وتىر. بۇل تۋرالى لاتۆيا راديوسى مەن تەلەۆيدەنيەسىنىڭ بىرىڭعاي پورتالى حابارلادى.

لاتۆيادا ورىس تىلىندەگى قوعامدىق باق 2026 جىلدىڭ 1 قاڭتارىنان باستاپ جۇمىسىن توقتاتۋى كەرەك.

لاتۆيا ىشكى ىستەر مينيسترلىگى 2001 جىلدان باستاپ ءاربىر ءتورت جىل سايىن ۇلتتىق قاۋىپسىزدىك تۇجىرىمداماسىن ازىرلەپ كەلەدى. وسى اپتادا ەلدىڭ مينيسترلەر كابينەتى جاڭا تۇجىرىمدامانىڭ جوباسىن ماقۇلدادى.

«اتالمىش قۇجات لاتۆيانىڭ پارلامەنتىنە دە، پرەزيدەنتتىك كەڭسەگە دە جىبەرىلدى. ونى 1 قازانعا دەيىن قابىلداۋ كەرەك»، – دەدى لاتۆيا ءىىم سالالىق ساياسات دەپارتامەنتى ديرەكتورىنىڭ ورىنباسارى يمانت زاكوس.

ءورىستىلدى باق-تىڭ جۇمىسىنا تىيىم سالۋ تۋرالى قاۋلى قازاقستانعا دا قاجەت ەكەنىن ۋاقىتتىڭ ءوزى دالەلدەپ كەلە جاتىر. اسىرەسە، پۋتين پروپاگانداسىنىڭ ناسيحاتشىسىنا اينالعان، يمپەرياليستىك پيعىلدى اشىقتان-اشىق تالقىعا سالاتىن اقپارات قۇرالدارىن اۋىزدىقتاۋ كەزەك كۇتتىرمەيتىن ءىس. ال ءبىزدىڭ ۇكىمەت بۇل سۇرانىستى قاناعاتتاندىرا ما، جوق پا – ەكىتالاي ماسەلە.

Abai.kz