اۋىل شارۋاشىلىعى ءمينيسترى ايداربەك ساپاروۆ «قر اۋماعىنا اۆتوموبيل جانە تەمىرجول كولىگىمەن بيداي اكەلۋگە تىيىم سالۋدى ەنگىزۋ تۋرالى» بۇيرىققا قول قويدى.

«6 اي (ەۋرازيالىق ەكونوميكالىق وداقتىڭ سىرتقى ەكونوميكالىق قىزمەتىنىڭ تاۋار نومەنكلاتۋرالىق كودى: 100119; 100199) مەرزىمگە: قازاقستان رەسپۋبليكاسىنىڭ اۋماعىنا ءۇشىنشى ەلدەردەن جانە ەۋرازيالىق ەكونوميكالىق وداق ەلدەرىنەن اۆتوموبيل كولىگىمەن; ليتسەنزيالانعان ەلەۆاتورلاردىڭ، استىق وڭدەۋشىلەردىڭ، قۇس شارۋاشىلىعى كاسىپورىندارىنىڭ اتىنا تەمىر جول كولىگىمەن بيداي اكەلۋدى قوسپاعاندا، قازاقستان رەسپۋبليكاسىنىڭ اۋماعىنا ءۇشىنشى ەلدەردەن جانە ەۋرازيالىق ەكونوميكالىق وداق ەلدەرىنەن تەمىر جول كولىگىمەن بيداي اكەلۋگە تىيىم سالۋ ەنگىزىلسىن»، - دەلىنگەن مينيستر ايداربەك ساپاروۆ قول قويعان بۇيرىقتا.

شەكتەۋ العاش رەسمي جاريالانعان كۇننەن، ياعني 26 قىركۇيەكتەن باستاپ كۇشىنە ەنەدى. تەك بۇيرىقتىڭ 1-تارماعىنىڭ ەكىنشى ابزاتسى 11 قازاننان باستاپ قولدانىسقا ەنگىزىلەدى.

Abai.kz