قازاقستان بيلىگى رەسەيگە جالعا بەرىپ وتىرعان بايقوڭىر كەشەنىنىڭ جال پۇلىن قايتا قاراستىرمايدى. بۇل تۋرالى قر تسيفرلىق دامۋ، يننوۆاتسيا جانە اەروعارىش ونەركاسىبى مينيسترلىگى مالىمدەدى.

بايقوڭىر كەشەنى قۇرامىنا عارىش ايلاعى مەن بىرگە قالا دا كىرەدى. ول رەسەيگە 20 جىلعا جالعا بەرىلگەن. كەلىسىم 1994 جىلدىڭ 28 ناۋرىزىندا جاسالعان. ال كەلىسىمشارت 1994 جىلدىڭ 10 جەلتوقسانىندا تۇزىلگەن.

2004 جىلى بايقوڭىردى جالعا بەرۋ ۋاقىتى ۇزارتىلدى. ءسويتىپ، رەسەي بايقوڭىردى 2050 جىلعا دەيىن پايدالاناتىن بولىپ شەشىلگەن. ول ءۇشىن رەسەي قازاقستانعا جىل سايىن 115 ملن دوللار تولەۋگە مىندەتتەلگەن.

قازاقستان قوعامى رەسەيدەن بايقوڭىردى قايتارىپ الۋ تۋرالى بىرنەشە مارتە باس كوتەرىپ، تالاپ قىلعان. ەكولوگتار رەسەي قازاقستان ەكولوگياسىنا وراسان زور زارداپ كەلتىرۋدە دەپ دابىل قاعۋدا.

Abai.kz