ساۋدا جانە ينتەگراتسيا ءمينيسترى ارمان شاققاليەۆ ەلدەگى قانت تاپشىلىعى تۋرالى اقپاراتقا پىكىر ءبىلدىردى. 

«جىل باسىنان بەرى قانت باعاسىنىڭ 11%-عا تومەندەگەنىن بايقاپ وتىرمىز. قانت تاپشىلىعى جوق جانە بولمايدى. ارينە، بىلتىر بۇل توڭىرەكتە ماسەلە تۋىندادى. وسىعان بايلانىستى قانت زاۋىتتارىن قولداۋ باعدارلاماسى قابىلداندى. بۇگىندە 4 زاۋىت 70 مىڭ تونناعا جۋىق قانت ءوندىردى. قازاقستانعا رەسەيدەن قانت اكەلىنىپ جاتىر. سوندىقتان جالپى نارىقتاعى جاعداي تەڭدەستىرىلگەن. قانتتىڭ قىمباتتاۋىنا نەگىز جوق»، - دەپ جاۋاپ قاتتى ارمان شاققاليەۆ باق وكىلدەرىنىڭ ساۋالىنا وراي.

قوسا كەتسەك، وسى بريفينگىدە ءسوز العان ساۋدا كوميتەتىنىڭ توراعاسى ايدار ابىلدابەكوۆ كەيبىر وڭىرلەردەگى كاسىپكەرلەر بيدايدى قىمبات باعامەن ساتىپ جاتقانىن ايتتى. ونىڭ دەرەگىنە ساي، باسەكەلەستىكتى قورعاۋ جانە دامىتۋ اگەنتتىگى استىق قۇنىن نەگىزسىز كوتەرگەندەرگە تەرگەۋ جۇرگىزەدى.

Abai.kz