قاراعاندى قالاسىنىڭ ەنەرگيا جۇيەسىندەگى بۇگىنگى اپاتتىڭ سەبەبىن ەنەرگەتيكا مينيسترلىگىنىڭ كوميتەتى انىقتايتىن بولادى.

«مينيسترلىكتىڭ اتومدىق جانە ەنەرگەتيكالىق قاداعالاۋ مەن باقىلاۋ كوميتەتى قاراعاندى جەو-3-تەگى تەحنولوگيالىق بۇزۋشىلىقتى تەرگەۋمەن اينالىسادى»، - دەلىنگەن مالىمەتتە.

ۆەدومستۆو اقپاراتىنا سۇيەنسەك، بۇگىن «قاراعاندى-ەنەرگوتسەنتر» جشس-عا تيەسىلى جەو-3-ءتىڭ 220 كۆ-تىق اشىق تاراتۋ قۇرىلعىسىندا قىسقا تۇيىقتالۋ جانە قاراعاندى جەو-3 پەن توپار گرەس بايلانىستىراتىن 110 كۆ ەلەكتر بەرۋ جەلىلەرىنىڭ ودان ءارى شامادان تىس جۇكتەلۋى سالدارىنان اتالعان ەلەكتر ستانتسيالارىندا گەنەراتسيانىڭ تولىق تومەندەۋى ورىن الدى. وندىرىستىڭ تومەندەۋىنە بايلانىستى قاراعاندى قالاسى مەن قاراعاندى وبلىسىنىڭ ونەركاسىپتىك تۇتىنۋشىلارى بويىنشا شامامەن 350 مۆت شەكتەۋلەر ەنگىزىلدى.

توتەنشە جاعداي سالدارىنان قالانىڭ بىرقاتار بولىگى سۋ مەن جارىقسىز قالدى، ينتەرنەت بايلانىسى ءۇزىلدى. پوليتسەيلەر جول بويىنداعى قوزعالىستى رەتتەۋگە شىقتى.

بۇگىن قاراعاندى وبلىسىنىڭ باس شاھارىندا ابونەنتتەردىڭ باسىم دەنى جارىقسىز قالعان بولاتىن.

Abai.kz