الىستا جۇرگەن اعايىندارعا اق تىلەك
تاۋەلسىزدىگىمىزدى الەم ەلدەرى تانىپ باستاعان العاشقى جىلداردىڭ ءدۇبىرى جادىمىزدان وشە قويماعان شىعار. قازىرگى جاعدايمىز تۇرعىسىنان ايتساق، «سول ءبىر قيىن-قىستاۋ كەزەڭدە» قازاق مەملەكەتىنىڭ بيلىگى ۇلتىمىزدىڭ رۋحىن ءدۇر سىلكىندىرەتىن ءىرى قادامدارعا بارىپ جاتتى. سونىڭ ءبىرى دە، بىرەگەيى كوشى-قون ماسەلەسى ەدى، تۋراسىن ايتساق ەلباسىمىزدىڭ قيىر جايلاپ، شەت قونعان اعايىن-باۋىرىن اتامەكەنىنە شاقىرىپ ءۇن قاتاۋى ەدى. تومەندەگى ءسوز سونى بايان ەتەدى.
Abai.kz
قازاقستان رەسپۋبليكاسىنىڭ پرەزيدەنتى ن.ءا.نازارباەۆ راديودان 1991 جىلدىڭ 31 جەلتوقسانىندا ءسوز سويلەپ، الىستا جۇرگەن قازاق اعايىندارعا اق تىلەك جولدادى.
قىمباتتى وتانداستار! قانداس باۋىرلار! اعايىندار!
حالقىمىزدىڭ تۇرمىس-تىرشىلىگىنە، ەلىمىزدىڭ ىشكى، سىرتقى ساياساتىنا ۇلى وزگەرىستەر الىپ كەلگەن، بارلىعىمىز ءۇشىن ۇلكەن سىن بولعان 1991 قوي جىلى تاريحتا قالىپ، ءۇمىت پەن كۇدىگى مول جاڭا 1992 جىل كەلدى. تاعدىر تالكەگىنە ۇشىراپ، جەر بەتىنە تارىداي شاشىراپ كەتكەن وتانداستار، قانداس باۋىرلار، سىزدەردى جاڭا جىلدارىڭىزبەن شىن جۇرەكتەن قۇتتىقتاي وتىرىپ، ارقايسىڭىزدىڭ وتباستارىڭىزعا مول باقىت، قۋانىش تىلەيمىن! اسپانىمىز ارقاشان اشىق بولسىن! سىزدەرمەن اتامەكەندە تابىساتىن، ەمىن-ەركىن قاۋىشاتىن كۇنگە تەزىرەك جەتەيىك!
تاۋەلسىزدىگىمىزدى الەم ەلدەرى تانىپ باستاعان العاشقى جىلداردىڭ ءدۇبىرى جادىمىزدان وشە قويماعان شىعار. قازىرگى جاعدايمىز تۇرعىسىنان ايتساق، «سول ءبىر قيىن-قىستاۋ كەزەڭدە» قازاق مەملەكەتىنىڭ بيلىگى ۇلتىمىزدىڭ رۋحىن ءدۇر سىلكىندىرەتىن ءىرى قادامدارعا بارىپ جاتتى. سونىڭ ءبىرى دە، بىرەگەيى كوشى-قون ماسەلەسى ەدى، تۋراسىن ايتساق ەلباسىمىزدىڭ قيىر جايلاپ، شەت قونعان اعايىن-باۋىرىن اتامەكەنىنە شاقىرىپ ءۇن قاتاۋى ەدى. تومەندەگى ءسوز سونى بايان ەتەدى.
Abai.kz
قازاقستان رەسپۋبليكاسىنىڭ پرەزيدەنتى ن.ءا.نازارباەۆ راديودان 1991 جىلدىڭ 31 جەلتوقسانىندا ءسوز سويلەپ، الىستا جۇرگەن قازاق اعايىندارعا اق تىلەك جولدادى.
قىمباتتى وتانداستار! قانداس باۋىرلار! اعايىندار!
حالقىمىزدىڭ تۇرمىس-تىرشىلىگىنە، ەلىمىزدىڭ ىشكى، سىرتقى ساياساتىنا ۇلى وزگەرىستەر الىپ كەلگەن، بارلىعىمىز ءۇشىن ۇلكەن سىن بولعان 1991 قوي جىلى تاريحتا قالىپ، ءۇمىت پەن كۇدىگى مول جاڭا 1992 جىل كەلدى. تاعدىر تالكەگىنە ۇشىراپ، جەر بەتىنە تارىداي شاشىراپ كەتكەن وتانداستار، قانداس باۋىرلار، سىزدەردى جاڭا جىلدارىڭىزبەن شىن جۇرەكتەن قۇتتىقتاي وتىرىپ، ارقايسىڭىزدىڭ وتباستارىڭىزعا مول باقىت، قۋانىش تىلەيمىن! اسپانىمىز ارقاشان اشىق بولسىن! سىزدەرمەن اتامەكەندە تابىساتىن، ەمىن-ەركىن قاۋىشاتىن كۇنگە تەزىرەك جەتەيىك!
1991 جىل قازاق ەلى ءۇشىن تاريحتا التىن ارىپپەن جازىلىپ قالاتىن جىل بولدى. قازاقستاندىقتار بۇكىل ەل بولىپ، وزدەرىنىڭ تۇڭعىش پرەزيدەنتىن سايلادى. عارىشقا تۇڭعىش رەت الاش ازاماتى سامعادى. ەلدىگىمىز بەن ەرلىگىمىزدى دارىپتەگەن تاريحي تۇلعالارىمىز ابىلايعا، قابانبايعا، بوگەنبايعا، تولە بيگە، يساتايعا، ماحامبەتكە، سىپاتايعا اس بەرىلىپ، بۇكىلحالىقتىق قۇرمەت كورسەتىلدى. باۋىرجان مومىشۇلى وزىنە ءتيىستى كەڭەس وداعىنىڭ باتىرى اتاعىنا يە بولدى.
جوعالىپ بارا جاتقان سالت-داستۇرلەرىمىز قايتا جاڭعىرىپ كەلەدى. جىل سايىن ناۋرىز مەيرامى اتالىپ وتەدى، جاستارىمىز يماندىلىق جولىنا ءتۇسىپ، اتا داستۇرىنە ادالدىقتارىن بايقاتۋدا.
قازاق ەلى ەجەلدەن ەركىندىكتى اڭساعان ەل. ءوز الدىنا دەربەس مەملەكەت قۇرۋ قازاق حالقىنىڭ عاسىرلار بويعى ارمانى ەدى. قۇدايعا شۇكىر، ءوز بيلىگىمىز ءوز قولىمىزعا ءتيدى. قازاقستان رەسپۋبليكاسى بۇدان بىلاي تاۋەلسىز، دەموكراتيالىق مەملەكەتتەردىڭ قاتارىنا جاتادى. ءوز تەرريتوريامىزدا وكىمەت بيلىگىن تولىق ءوز قولىمىزعا الدىق. ىشكى، سىرتقى ساياساتىمىزدى دەربەس جۇرگىزەمىز، ءارى قاراي قالاي ءومىر ءسۇرۋ كەرەك ەكەنىن ەشكىمنىڭ نۇسقاۋىن كۇتپەي-اق ءوزىمىز شەشەتىن بولامىز. قازىر كوپتەگەن ەلدەر، ونىڭ ىشىندە امەريكا قۇراما شتاتتارى، تۇركيا، قىتاي سەكىلدى ىرگەلى ەلدەر، قازاقستان رەسپۋبليكاسىنىڭ مەملەكەتتىك تاۋەلسىزدىگىن تانىپ وتىر.
قىمباتتى وتانداستار! ەجەلگى اتامەكەنىنەن جىراقتاپ قالعان سىزدەردى كەشەگى كۇنگە دەيىن اتا-بابا جەرىنە قايتىپ كەلە الامىز با دەگەن سۇراقتىڭ الاڭداتىپ كەلگەنىن مەن جاقسى بىلەمىن. تۋعان جەردىڭ ءتۇتىنى دە ىستىق دەيدى حالقىمىز. قانداس باۋىرلارىمىزدى بايىرعى اتا قونىسىنا تارتۋ ماقساتىندا ادام پراۆوسى تۋرالى ەلارالىق ەرەجەلەردى باسشىلىققا الا وتىرىپ، قازاقستان ۇكىمەتى «باسقا رەسپۋبليكالاردان جانە شەتەلدەردەن سەلولىق جەرلەردە جۇمىس ىستەۋگە تىلەك ءبىلدىرۋشى بايىرعى ۇلت ادامدارىن قازاقستاندا قونىستاندىرۋ ءتارتىبى مەن شارتتارى تۋرالى» ارنايى قاۋلى قابىلدادى. سوندىقتان اتا-مەكەنگە كەلەمىن دەۋشى اعايىندارعا جول اشىق. اتا-بابا ارۋاعى الدارىڭىزدان جارىلقاسىن!
قىمباتتى باۋىرلار!
سىزدەردى تاعى دا جاڭا 1992 جىلدارىڭىزبەن قۇتتىقتاپ، بارشاڭىزعا تۋعان جەردىڭ ىستىق سالەمىن جولدايمىن! باقىتتى، ءۇبىرلى-ءشۇبىرلى بولىڭىزدار! بيىلعى جىل اقجارىلقاپ جىل بولسىن!
«ەگەمەندى قازاقستان» 1992 جىل 1 قاڭتار
