سەيسەنبى, 18 اقپان 2020
جاڭالىقتار 1589 0 پىكىر 2 قىركۇيەك, 2013 ساعات 08:15

ايدوس سارىم. رەسەيلىك ارتىستەردى الداقانداي قىلعاندى قويايىقشى، ا؟

ءبىر سايت ازىلكەش تۇرسىنبەك قاباتوۆ ورىستىڭ كۆن-ىندا وينايدى ەكەن دەپ بايعازى سۇراپ جاتىر ەكەن.
وسى دا جاڭالىق پا؟ وندا تۇرسىنبەك تالاي تويدا تامادا بولىپ جۇرگەنىن دە جازايىق. تۇرسىنبەك ماكە مەن ساكەنىڭ تويىن وتكىزدى دەپ.
قازاق ءتۇسىرىپ جاتقان كينوعا ءبىر ورىس كەلىپ جاتسا، ونى الدەقانداي ەتەمىز. بارلىق تەلەارنالار كورسەتىپ، بارلىق گازەتتەر جازىپ شىعادى. وسى دا جاڭالىق پا؟ ماعان ءتىپتى سولاردىڭ كەلمەگەنى دۇرىس! "جاۋجۇرەك مىڭ بالا" فيلمىنە رەسەي ءارتىسى قاتىسقان جوق، كاسساسى جامان بولدى ما؟
كەشە قايسىبىر كانالدان "اقان ساتاەۆ باۋىرجان تۋرالى فيلم ءتۇسىرىپ جاتىر" دەدى. قۇلاعىم ەلەڭ ەتە قالدى. سيۋجەتى مىناعان سايادى: ستسەناري بويىنشا باۋىرجاندى ورىس گەنەرالى پافيلوۆتىڭ تاربيەلەگەنىن كورسەتۋ ماڭىزدى ەكەن. ءبىر ورىس ءارتىسى سونى جىر قىلدى. سوڭىندا جىنىم كەلگەنى، جۋرناليست: "باۋىرجان تۇسىنىكسىز پەرسوناج، ءتايىرى، ءبىر جاعىنان باتىر، ەكىنشى جاعىنان - اۋمەسەر" دەگەنگە ساياتىن كوممەنتاري بەرىپ وتىر. بۇل نە؟ باۋىرجان تۋرالى قازاق جۇرتىنىڭ پىكىرى باياعىدان بەرى انىق ەمەس پە؟
قىسقاسى مىناعان كەلىسسەك.
ەگەر قازاقتار ءوز فيلمدەرىنە، كونتسەرتتەرىنە الەمدىك ەليتاعا، وندىعىنا كىرەتىن ارتىستەردى، انشىلەردى، رەجيسسەرلەردى شاقىرىپ جاتسا، ونى جىر قىلۋعا تۇرادى.
ال ەكىنشى، ءۇشىنشى سورت رەسەيلىك ارتىستەردى شاقىرىپ، سونى الداقانداي قىلعاندى قويايىقشى، ا؟

ءبىر سايت ازىلكەش تۇرسىنبەك قاباتوۆ ورىستىڭ كۆن-ىندا وينايدى ەكەن دەپ بايعازى سۇراپ جاتىر ەكەن.
وسى دا جاڭالىق پا؟ وندا تۇرسىنبەك تالاي تويدا تامادا بولىپ جۇرگەنىن دە جازايىق. تۇرسىنبەك ماكە مەن ساكەنىڭ تويىن وتكىزدى دەپ.
قازاق ءتۇسىرىپ جاتقان كينوعا ءبىر ورىس كەلىپ جاتسا، ونى الدەقانداي ەتەمىز. بارلىق تەلەارنالار كورسەتىپ، بارلىق گازەتتەر جازىپ شىعادى. وسى دا جاڭالىق پا؟ ماعان ءتىپتى سولاردىڭ كەلمەگەنى دۇرىس! "جاۋجۇرەك مىڭ بالا" فيلمىنە رەسەي ءارتىسى قاتىسقان جوق، كاسساسى جامان بولدى ما؟
كەشە قايسىبىر كانالدان "اقان ساتاەۆ باۋىرجان تۋرالى فيلم ءتۇسىرىپ جاتىر" دەدى. قۇلاعىم ەلەڭ ەتە قالدى. سيۋجەتى مىناعان سايادى: ستسەناري بويىنشا باۋىرجاندى ورىس گەنەرالى پافيلوۆتىڭ تاربيەلەگەنىن كورسەتۋ ماڭىزدى ەكەن. ءبىر ورىس ءارتىسى سونى جىر قىلدى. سوڭىندا جىنىم كەلگەنى، جۋرناليست: "باۋىرجان تۇسىنىكسىز پەرسوناج، ءتايىرى، ءبىر جاعىنان باتىر، ەكىنشى جاعىنان - اۋمەسەر" دەگەنگە ساياتىن كوممەنتاري بەرىپ وتىر. بۇل نە؟ باۋىرجان تۋرالى قازاق جۇرتىنىڭ پىكىرى باياعىدان بەرى انىق ەمەس پە؟
قىسقاسى مىناعان كەلىسسەك.
ەگەر قازاقتار ءوز فيلمدەرىنە، كونتسەرتتەرىنە الەمدىك ەليتاعا، وندىعىنا كىرەتىن ارتىستەردى، انشىلەردى، رەجيسسەرلەردى شاقىرىپ جاتسا، ونى جىر قىلۋعا تۇرادى.
ال ەكىنشى، ءۇشىنشى سورت رەسەيلىك ارتىستەردى شاقىرىپ، سونى الداقانداي قىلعاندى قويايىقشى، ا؟
قازاق فيلمىنە رەسەيدەن ءارتىس كەلىپ تۇسپەسە ونىڭ باعى اشىلمايدى دەگەن جالعان قاعيداعا قارسى شىعايىقشى. قىتاي، يران، جاپونيا، تۇركيا، ءۇندىستان، ەۋروپا بار. نەگە سولاردان ءارتىس الدىرمايمىز؟ جاعديشيا قايدا، مىسالى، جۇرت بىلەتىن؟ فيلمىنە ءبىر رەسەيلىك تۇسپەسە ىشكەن اسى باتپايتىن پروديۋسەرلەر مەن رەجيسەرلەردىڭ تاس-تالقانىن شىعارىپ وتىرساق.
مىسالى، قازاقتىڭ كينولارىنا تۇسۋگە قۇمار پانين دەگەن ءارتىس قىرىمدا اۋزىنا كەلگەنىن ايتىپ، اقىرى ۋكرينادا قارابەت بولىپ جاتىر،.
ەڭ باستىسى، ءبىزدىڭ پروديۋسەرلەر مەن رەجيسسەرلەردىڭ رەسەي نارىعىنا شىعامىز دەگەن تەزيستەرى قيراپ جاتقانى انىق قوي! قاي ورىس تۇسكەن قازاق ءفيلمى رەسەي پروكاتىنا شىعىپ، جەڭىسكە، قوماقتى ناتيجەگە جەتىپ جاتىر؟ ياعني، بۇل جالعان ءۇردىس.

Abai.kz

0 پىكىر