Allur كومپانياسى قوستاناي اسىل تۇقىمدى جىلقىسىن ساقتاۋعا جانە وسىرۋگە باعىتتالعان ىرگەلى ىسپەن اينالىسا باستادى.

قازىر قوستاناي اكىمدىگىمەن بىرلەسىپ ات كلۋبىن سالۋ، قوستاناي جىلقى تۇقىمىن ساقتاۋ، سونداي-اق يپپودروم مەن جابىق مانەج سالۋ ءۇشىن قوستاناي ماڭىندا 10 گەكتارعا دەيىنگى جەر ۋچاسكەسىن ءبولۋ جانە رەسىمدەۋ بويىنشا جۇمىستار جۇرگىزىلۋدە. ءۇش ايدان بەرى ءبىز شتات اشىپ، جۇمىسشى توبىن قۇردىق، سپورتتىق جىلقى شارۋاشىلىعىنىڭ بىلىكتىلىگىنە سايكەس، قازاقستان بويىنشا قوستاناي تۇقىمدى جىلقىلاردىڭ گەنوتيپتەرى مەن قانىنا كۇندەلىكتى تالداۋ جۇرگىزىلىپ وتىر.

كاسىپورىننىڭ ميسسياسى – حالىقارالىق تىزىمدەگى جالعىز وتاندىق قوستاناي جىلقى تۇقىمىن ساقتاۋ، اسىل تۇقىمدى ايعىرلار مەن بيەلەردى شىعارۋ، اسىل تۇقىمدى يادرو-تەك قورىن قۇرا وتىرىپ، اسىل تۇقىمدى سىناقتارعا قاتىسۋعا، حالىقارالىق دەڭگەيگە شىعىپ، عىلىمي – سەلەكتسيالىق جۇمىستاردى جۇرگىزۋگە قول جەتكىزۋ.

جىلقى شارۋاشىلىعىنىڭ ماقساتى – جىلقى وسىرۋشىلەردىڭ، جاتتىقتىرۋشىلار مەن بەرەيتورلاردىڭ بىلىكتىلىك دەڭگەيىن ارتتىرۋ; جاس جىلقىنىڭ دۇرىس دايىندىعىن ناسيحاتتاۋ، سونداي-اق قوستاناي تۇقىمدى جىلقىلاردى ات سپورتىندا پايدالانۋدى ناسيحاتتاۋ، جىلقىلار مەن ايعىرلاردى باپتاپ، وسىرۋشىلەردى جۇمىس قابىلەتتىلىگى بويىنشا باعالاۋ، سپورتتىق شەبەرلىك دەڭگەيىن ارتتىرۋ، ۇزدىك شاباندوزدار مەن سەلەكتسيونەرلەردى جىل سايىن ىنتالاندىرۋ بولماق.

بۇگىنگى تاڭدا قوستانايلىق جىلقى تۇقىمىنىڭ 50 باسىن جىلقىسى ساتىپ الىنىپ، وسى جىلقىنىڭ تەك قورىن 400 باسقا دەيىن ۇلعايتۋمەن جۇمىس جۇرگىزىلمەك.

شارۋاشىلىقتىڭ اۋدانى مەن كولەمى، مال باسى ەسەپتىلىنىپ، جەمشوپ بازاسى قۇرىلدى. سونداي-اق ات ابزەلدەرى دايىندالىپ، ءدارى-دارمەكتەر قورى جاساقتالىپ، ۆەتەرينارلىق ەمحانا اشىلماق.

قوستاناي اسىل تۇقىمدى جىلقى شارۋاشىلىعىن جانداندىرۋ ءۇشىن الداعى ۋاقىتتا جىلقىلارعا ارنالعان مامانداندىرىلعان ۆەتەرينارلىق كلينيكانىڭ قۇرىلىسىن فرانتسيا مەن پولشا ماماندارى جاساماق.

جىلقى شارۋاشىلىعىنىڭ نەگىزگى باعىتى – وليمپيادالىق ءتۇر – كونكۋر، كلاسسيكالىق – گالوپ، ۇلتتىق، سونىڭ ىشىندە ۇلى دالا جورىعى مارافونىنىڭ باعىتى، حالىقارالىق جۇگىرىستەرگە قاتىسۋ ءۇشىن ليتسەنزيا الۋ، يپپوترەراپيا.

ماسەلەن، قازىردىڭ وزىندە قوستاناي تۇقىمدى جىلقىلاردى كۇتىپ-باعۋ جوسپارى جاسالدى. وسى جوسپار اياسىندا قوستاناي تۇقىمىن ساقتاۋ قورى قۇرىلدى. ەندى جىلقى شارۋاشىلىعى ينستيتۋتىن قۇرۋ، كادرلار دايارلاۋ (ات تاعالاۋشىلار، جاتتىقتىرۋشىلار، شاباندوزدار) ماسەلەسى تۇر.

سونداي-اق، قوستاناي تۇقىمى ايعىرلارىنىڭ تۇقىم بانكىن قۇرۋ ماقساتىندا اسىل تۇقىمدى ايعىرلاردىڭ تۇقىمىن بيوتەحنولوگيا جانە كريوكونسەرۆاتسيالاۋ جانە قولدان ۇرىقتاندىرۋ زەرتحانالارىن قۇرۋ دا كەزەك كۇتتىرمەس ءىس.

ال رەسپۋبليكالىق جارىستارعا قاتىسۋ جانە تۇقىم اتاعىن قالپىنا كەلتىرۋ ءۇشىن جىلقىلاردىڭ جۇمىسقا قابىلەتتىلىگىن ارتتىرۋدى قالپىنا كەلتىرۋ جۇمىستارى «ەتنوسپورت» قاۋىمداستىعىمەن جانە جىلقى تۇقىمى زاۋىتى بويىنشا رەسپۋبليكالىق پالاتامەن جۇمىس جۇرگىزىلەدى.